لە ٢٩ی ئابدا لە زەویەکانی خارساکی جۆنگی ناوچەی خۆلخۆلی چەولیک ئاگر کەوتەوە و دوێنێ کۆنتڕۆڵکرایەوە، بەڵام بەهۆی ئەوەی پوش و پەڵاشەکە بە تەواوی لە پاشماوەی ئاگرەکە پاکنەکرایەوە، شەوی رابردوو بەهۆی رەشەباوە جارێکی دیکە ئاگر کەوتەوە. ئەمڕۆش بەهۆی ڕەشەباوە ئاگرەکە تەشەنەی سەندووە و تاوەکو ئێستا هیچ هەوڵێک بۆ کوژاندنەوەی ئاگرەکە نەدراوە.

گوندنشینای ناوچەکە رایانگەیاند، هەرچەندە بە تیمەکانی ئاگرکوژێنەوەیان گۆتوە کە ئەگەری هەیە ئاگرەکە هەڵبگیرسێتەوە، بەڵام گوێیان لێنەگرتون و وتیان، "بەو هۆیەوە درەنگانی شەوی رابرسوو ئاگرەکە هەڵگیرسایەوە. لە ئێستادا زۆر شوێن دەسووتێن. ئاگرەکە بەرەو گوندی دەشتێ و کێرێ تەشەنەی سەندووە. هەروەها ئاگرەکە گەیشتوەتە نزیکی گوندی ئارێ قێوەخ و ئەگەر بەم شێوەیە بەردەوام بێت، کارەساتێکی گەورە روودەدات."

ف.ق