ئەمینە شەنیاشار کە پاسەوان و خزمانی ئیبراهیم خەلیل یڵدزی پەرلەمانتاری ئاکەپە، هاوسەر و دوو کوڕیان کوشتووە، لەگەڵ فەرید شەنیاشاری کوڕی کە ئەویش بریندار کرابوو، ٥٠ رۆژە چالاکی ئەنجام دەدەن.

پلاتفۆرمی لقی ئامەدی کەسک و بەرێوەبەرانی مەبیا – دەر سەردانی خانەوادەی شەنیاشاریان کرد و پەیامی یەکگرتنیاندا.

ئەمینە شەنیاشار: ئێمە ئەم حکومەتە قبوڵ ناکەین

یەکەمجار بەڕێوەبەرانی کەسک سەردانیان کرد. ئەمینە شەنیاشار بۆ شاندەکەی باسی ٣ ساڵی رابردووی دۆخی خۆی کرد و وتی، "ئەم حکومەتە قبوڵ ناکرێت. پێویستە کەس نەترسێت و پێویستە هەستنە سەرپێ. ئێمە لێرە بەرخۆدان دەکەین و دەنگی ئێمە ببیستن."

ئەمینە یڵدز هاوسەرۆکی لقی یەکەمی ئەیتم – سەن رایگەیاند، پشتگیریەکانیان بەردەوام دەبێت و وتی، "تا دادپەروەری جێبەجێ نەکرێت، پێکەوە خەبات دەکەین. ئەمە بە تەنها دۆزی ئێوە نییە، دۆزی هەموومانە. ئێمە بە یەکگرتن دادپەروەری جێبەجێ دەکەین. ئێوە بێوەستا لێرەن و ئێمەش هیزتان پیدەدەین. ئێمە وەک کەسک بە تەنیاتان ناهێڵینەوە."

فەرید شەنیاشاریش رایگەیاند، سەردانەکە هێزیان پێدەبەخشێت و وتی، "دۆسیەی دۆزی نەخۆشخانەکان هیشتا نەکراوەتەوە. دۆزگەر نایەوێت لەگەڵمان دانیشیت. باڵەخانەی دادگا هەیە بەڵام نایانەویت چاویان بە پێمە بکەوێت. بەپێی ئەوان نەکردنەوەی دۆسیە یاساییە. یەکجار لەگەڵ داواکار کۆبوینەوە و پێی گۆتین کە ئەوان ٢٣ کەسیان خستوەتە ژێر چاودێری. هەرچیەک پێویستە بێت لەبارەی ٢٣ کەسەکەوە ئەنجامی دەدەن. لەو رۆژەوە دادوەر هیچی نەوتووە لەبەرئەوەی بووەتە هاوکاری تاوانەکە و پێویستە دادگایی بکرێت. لەبەرئەوەی قەدەغەی چونە دەرەوە هەیە، لە ماڵەوە بەرخۆدانمان بەردەوامی پێدەدەین."

دواتر شاندی کەسک، بەڕێوەبەرانی مەبیا – دەر سەردانی خانەوادەکەی کرد. شاندەکە پشتگیری خۆی بۆ خانەوادەکە دەربڕی.

ف.ق