لە چوارچێوەى لێکۆڵینەوەیەک کە لە مێردین لەلایەن داواکاری گشتیی دەوڵەتى تورکەوە دەستیپێکردووە، عایشە گۆکان چالاکوانی بزووتنەوەى ژنانی ئازاد دەستگیرکرا. ئەم بەیانییە لە زۆرێک لە ناوچەکانی مێردیندا پۆلیس هەڵیکوتایە سەر ماڵان و لە ئەنجامدا ٧ کەسیان دەستگیرکرد، کە ٣ کەسیان ژنن.

کەسە دەستگیرکراوەکان بریتین لە: ئەحمەد ئینجی هاوسەرۆک شارەوانیی کەربۆران، کە قەیوم داسەپێنراوەتە سەر شوێنەکەى، لوقمان فندک، لە ئارتورکلو خەدیجە کاڵکان، رەمەزان کاڵکان و فاتمە تەکین و لە قۆسەریش ساکینە یڵماز و لە دێرکیش مەسعود چەلیک دەستگیرکران.

کەسە دەستگیرکراوەکان رەوانەى بەڕێوەبەرایەتیی ئاسایشی مێردین کران. بەپێی زانیارییەکان، ئەگەری ئەوە هەیە کەسە دەستگیرکراوەکان زیاتر بن.

ژ.ت