ئێشکگریی شەنگال لە ٣٧هەمین رۆژدایە
خەڵکی شەنگال بۆ خاوەنداریکردن لە ئاسایشی ئێزدخان لە بەردەم ناوەندی ئاسایش دا چادریان هەڵداوە و ماوەى ٣٧ رۆژە بەردەوامن لە چالاکییەکەیان.
خەڵکی شەنگال بۆ خاوەنداریکردن لە ئاسایشی ئێزدخان لە بەردەم ناوەندی ئاسایش دا چادریان هەڵداوە و ماوەى ٣٧ رۆژە بەردەوامن لە چالاکییەکەیان.
بە دروشمی "ئێمە هەموومان ئاسایشین" ئێشکگریی بەرخودان بۆ خاوەنداریکردن لە ئاسایشی ئێزدخان لەشەنگال بەردەوامە.
چالاکییەکە ماوەى ٣٧ رۆژە بەردەوامە و هەموو رۆژێک لە ناوچەیەکی شەنگالەوە پێکهاتەکانی شەنگال و دەورووبەری سەردانی چادری چالاکییەکە دەکەن و پشتیوانی و خاوەنداری لە ئاسایشەکەی خۆیان دەکەن.
ئامانجی چالاکییەکە ئەوەیە، کە ئاسایشی ئێزدخان و دەزگاکانی خۆبەڕێوبەریی خۆسەر لە شەنگال لەلایەن بەڕێوەبەریی بەغدادەوە دانی پیادا بنرێت.
بەرخودان و چالاکیی شەنگالییەکان لەو پێناو ئەو ئامانجەیاندا لە ٩ی تشرینی یەکەمی ٢٠٢٠ و لە کاتی راگەیاندنی رێککەوتنی نێوان بەغدا و هەولێر لەسەر شەنگال، بەردەوامیی هەیە و تاوەکو ئێستا چەندین چالاکی و خۆپیشاندان و ناڕەزایەتییان ئەنجامداوە، کە چالاکیی چادرهەڵدانەکە و ئەو ئێشکگرییە، یەکێکە لەو چالاکییانە.
ژ.ت