لە شارۆچکەی خورماڵی سەر بە پارێزگای هەڵەبجەی شەهید، ژنانی گەنجی تێکۆشەر هەڵسان بە ئەنجامدانی چالاکیی ژینگەپارێزی، کە چالاکییەکە بریتی بوو لە هەڵمەتێکی ژنان بۆ پاککردنەوەی شوێنە گشتییەکانی شارۆچکەکە، هەروەها وشیارکردنەوەی خەڵک و دانیشتوانەکەی تاکو زیاتر ژینگەی ناوچەکەیان بپارێزن و پیسی نەکەن.

کەمپینی (ئێمە دەڵێین نا) ماوەیەک لەمەوپێش لەلایەن ژنانی گەنجی تێکۆشەرەوە ڕاگەیەندرا، کە ئامانج لێی وشیارکردنەوەی ژنان و کۆمەڵگەیە بەرامبەر مافەکانی ژنان، بە چەندین دروشم کار و چالاکی ئەنجام دەدەن، لەوانە: نا بۆ گۆشەگیری و نا بۆ دەستدرێژی و توندوتیژی دژی ژنان و نا بۆ هاوسەرگیری پێشوەخت و نا بۆ داگیرکاری و چالاکی ژینگەی.. هتد. بڕیار وایە چالاکیەکانیان درێژە پێ بدەن و بەردەوامی هەبێت.

ژ.ت