پلاتفۆرمی دیموکراسی ئامەد ئۆپەراسیۆنی قڕکردنی سیاسیان لە میردین شەرمەزارکرد. چەند ڕۆژ لەمەوبەر لە میردین دەریا ئەتهەم سەرۆکی ژووری پزیشکانی مێردین و ١٠ کەسی تر لە ئەنجامی ژوورەکە دەستگیرکران.

لە ڕاگەیەنراوێکدا کە بە بەشداری سەرۆک و ئەندامانی پلاتفۆرمەکە و ڕێکخراوەکانی کۆمەڵگای مەدەنی خوێندرایەوە، ئۆپەراسیۆنی قڕکردنی سیاسی شەرمەزارکرا.

محەمەد شەریف دەمیر سەرۆکی پلاتفۆرمی دیموکراسی ئامەد ڕایگەیاند، ڕۆژ بە ڕۆژ لە تورکیا مافی مرۆڤ زیاتر پێشێلدەکرێت. بە هۆی کار و خەباتیانەوە دەیانەوێت هەڤاڵەکانیان بترسێنن و لە ئەنجامدا ١١ هەڤاڵیان بە بێ هۆکارێکی یاسایی دەستگیرکراون.

محەمەد شیرین گورباز نوێنەری هەرێمی ئامەد دیسکیش ڕایگەیاند، لە جێگەی ئەوەی هەڤاڵەکانیان بانگ بکرێن و ئیفادەکانیان وەربگریێن، دەستگیرکراون و ئەمەش شەرمەزاریە.

گورباز داوای کرد هەڤاڵەکانیان کە خەباتی تەندورستی دەکەن بە زودترین کات ئازاد بکرێن.

ف.ق