٢٣ی ئەم مانگە لە ناوچەی 'خۆی' لە رۆژهەڵاتی کوردستان و ناوچەی ئەلباکی شاری وانی باکوری کوردستان بە گوڕی ٥.٩ پلەی رێختەر بومەلەرزەیەک روویدابوو. لە ئەنجامی بومەلەرزەکە لە ناوچەی ئەلباکی شاری وان ٩ کەس گیانیان لەدەستدابوو، هاوکات مێرد منداڵێکی ١٤ ساڵان بە ناوی ئەرجان ئاجار بە برینداری لە ژێر داروپەردووی خانووەکاندا رزگار کرابوو، بەڵام لە نەخۆشخانە گیانی لە دەستدا و ژمارەی ئەو کەسانەی لە ئەنجامی بومەلەرزەکەدا لە گەڕەکەکانی گوڤەندیک، گەلەنلەر، ئۆزپنان و کاشکۆلی ناوچەی ئەلباکی شاری وان گیانیان لەدەستدا، گەیشتە ١٠ کەس.

بڕیار وایە تەرمی ئەرجان ئاجار سبەینێ لە ناوچەکە بە خاک بسپێردرێت.

ز.ش