سوپای توركی داگیركه‌ر به‌یانیی ٢٢ی ئادار\٢ی خاكه‌لێوه‌ به‌ فڕۆكه‌ی جه‌نگی بۆردومانی گوندی شێرانش-ی سه‌ر به‌ قه‌زای زاخۆی باشووری كوردستانی كردبوو. له‌ ئه‌نجامی ئه‌و هێرشانه‌دا خانووی ماڵێك ڕووخابوو و زیان به‌ گونده‌كه‌ گه‌یشتبوو. 

شه‌وی ٢٩ی ئادار\٩ی خاكه‌لێوه‌ جارێكی دیكه‌ سوپای ده‌وڵه‌تی تورك تۆپبارانی گونده‌كه‌ی كرده‌وه‌. له‌ ئه‌نجامدا خانوویه‌كی هاوڵاتییان ڕووخا و زیانیش به‌ خانووی گوندنشینانی دیكه‌ گه‌یشت. به‌ گوێره‌ی زانیارییه‌كان ٣ تۆپ له‌نێو گونه‌كه‌ كه‌وتوون.

له‌م دواییانه‌ چه‌ندین جار سوپای ده‌وڵه‌تی تورك بۆردومانی گوند و لادێیه‌كانی باشووری كوردستانی كردووه‌ له‌ سنووری شیلادزێ، زاخۆ و بناری قه‌ندیل. حكوومه‌تی هه‌رێمی كوردستان له‌بری ئه‌وه‌ی ئیدانه‌ی هێرشه‌كان بكات لێپێچینه‌وه‌ و هێرش ده‌كاته‌ سه‌ر ئه‌و هاوڵاتییانه‌ی له‌ دژی بۆردومان و هێرشه‌كان ناڕه‌زایه‌تی پیشان ده‌ده‌ن.

s.m