له ڕۆژانی ڕابردوودا به بڕیاری حكوومه‌تی هه‌رێمی كوردستان باره‌گه‌كانی ته‌ڤگه‌ری ئازادی له سنووری سلێمانی داخران، به‌ڵام ئه‌مڕۆ به‌بێ هیچ ڕێگرییه‌ك له شاری كه‌ركووك كۆنفڕانسی ته‌ڤگه‌ری ئازادی ده‌ستی پێكرد.
به‌یانیی ئه‌مڕۆ ته‌ڤگه‌ری ئازادیی كۆمه‌ڵگه‌ی كوردستان له هۆڵی لوبنان-ی شاری كه‌ركووك به‌به‌شداریی ١٥٠ ئه‌ندامی شاری كه‌ركووك و ده‌وروبه‌ری ده‌ستی به كۆنفڕانسی هه‌رێمی كه‌ركووك كرد و تا ئێواره به‌رده‌وام ده‌بێت.
كۆمه‌ڵ سه‌رمه‌ند ئه‌ندامی كۆمیته‌ی ئاماده‌كاری كۆنفڕانسه‌كه به ئاژانسی هه‌واڵی فورات (ANF)ی ڕاگه‌یاند، ئامانجی سازكردنی ئه‌م كۆنفڕانسه هه‌ڵسه‌نگاندنی بارودۆخی سیاسی و ڕێكخستنی هه‌رێمی كه‌ركووكه. هه‌روه‌ها ده‌مانه‌وێت هاوسه‌رۆكانی ئه‌نجومه‌نه‌كه هه‌ڵبژێرین.
جێگه‌ی باسه، سازكردنی كۆنفڕانسی ته‌ڤگه‌ری ئازادی له كه‌ركووك هاوكاته له‌گه‌ڵ داخستنی باره‌گه‌كانیان له هه‌رێمی كوردستان.
s.m
