٨ی کانونی یەکەم لە ئامەد لە چوارچێوەی بڕیاری لێپرسینەوە کە لە لایەن سەرۆکی داواکاری گشتی ئامەدەوە دراوە، لە گوندەکانی ناوچەی پەیاس و چنار و باگلار-ی ئامەد ٢٠ کەس دەستگیر کران. دواتر لە گوندەکانی ناوچەی حانی و لیجە و پیران و کاراز ١٧ کەسی دیکە دەستگیر کران و ئەمڕۆش جارێکی دیکە ٢٢ کەسی تر دەستگیر کران.

تیمەکانی بەشی دژە تیرۆری ئاسایشی ئامەد لە ناوچەی پەیاس هەڵیان کوتایە سەر دوو گوند و لە ئەنجامی لێپرسینەوەدا ٢٢ کەسیان دەستگیر کرد. بە پێی پرۆپاگەندەی بەڕێوەبەرایەتی ئاسایش لە ئەنجامی هەڵمەتی گەڕان و لێپرسینەوەدا ٢٧١ کیلۆ و ٤٧٥ گرام تەقەمەنی و ٨ بۆمبی دەستی و ١٢ گولە ئارپیجی و ٧ چەک و ژمارەیەکی زۆر فیشەک و کەپسولی ئەلەکتریکی و کۆنترۆلی تەقاندنەوەو دوربینی سەر چەک و کەلەپەلی رێکخستن و چەندین کەلوپەلی دیکە، دەستیان بەسەردا گرتووە.

بە دەستگیرکردنی ئەو ٢٢ کەسە، تەنها لە ماوەی حەفتەیەکدا ژمارەی ئەو کەسانەی لە ئامەد دەستگیر کراون، گەیشتە ٥٩ کەس.

ز.ش