لە ئۆپەراسیۆنى داگیرکەریى سوپای تورکی داگیرکەر بۆ سەر باشووری کوردستان ئەمڕۆ شەڕ روویدا و لەو شەڕەدا ١٥ سەربازی سوپای تورکی داگیرکەر لە حەفتانین کوژران و ١٥ سەربازی تریش بریندار بوون.

میدیاکانى تورک هەواڵێکیان لە زاری وەزارەتى بەرگریى تورکەوە بڵاوکردووەتەوە و نووسیویانە "لە ئۆپەراسیۆنى چەنگ دا ٣ سەرباز کوژران".

بەڵام بەپێى زانیاریى سەرچاوە هەرێمییەکان لە ناوچەکەوە، لەو شەڕەدا بەلانیکەمەوە ١٥ سەربازی سوپای تورکی داگیرکەر کوژراون و ١٥ سەربازی تریش بریندار بوون.

تاوەکو ئێستا ناوەندی راگەیاندن و چاپەمەنیى هەپەگە لەوبارەیەوە راگەیاندراوى بڵاونەکردووەتەوە.

ژ.ت