کوردانی ڕووسیا بە چالاکیەکانیان پیلانگێڕی نێودەوڵەتی ١٥ی شوباتیان لەدژی عەبدوڵلا ئۆجالان ڕێبەری گەلی کورد شەرمەزار کرد.

مۆسکۆ

لە مۆسکۆی پایتەختی ڕووسیا کوردەکان بە کۆبوونەوەیەک پیلانگێڕیان شەرمەزار کرد و ڕایانگەیاند، ئەمڕۆ بۆ ئەوان ڕۆژێکی ڕەشە. سیاسەتمەدار فەرمان خەرزان لە کۆبوونەوەکەدا قسەی کرد و وتی، " پیلانگێڕیەکە لە ١٩٩٩ەوە بەردەوامە. میلیتانەکانی تەڤگەری ئازادی کوردستانی ئاپۆیی لە بەرانبەر ئەم پیلانگێریە هەردەم تێدەکۆشن و تا تێکۆشان سەردەکەوێت، بەردەوام دەبێت."

خەرزان وتیشی، "پێویستە تێکۆشان لەدژی پیلانگێڕی گەشتر بکرێت."

کراسندار

کوردان شاری کراسنداری رووسیا وەک کوردانی کوردستان و وڵاتانی تر پیلانگیڕی ١٥ی شوباتیان شەرمەزار کرد.

ئیشخانە ئاسلان ئەندامی ئۆتۆنۆمی کوردان و عەبدولرەحمان ئالیەڤ و تەمیر گاسانۆڤ ئەندامانی ئەنجومەنی کوردان لە گردبوونەوەکەدا قسەیان کرد و ڕایانگەیاند، لە کەسایەتی عەبدوڵلا ئۆجالان ڕێبەری گەلی کورد لەدژی هەموو گەلی کورد سیاسەتی لەناوبردن بەڕێوەدەبرێت و ئاماژەیان بەوەدا، پیلانگێڕی لە لایەن ڕێبەر ئاپۆوە پووچەڵکراوەتەوە.

پلاتنیرۆڤسکایا

لە شاری پلاتنیرۆڤسکایای هەرێمی کراسنۆدار بۆ شەرمەزارکردنی پیلانگێڕی ١٥ی شوبات گردبوونەوەیەک ئەنجامدرا. تاهر نەوروز هاوسەرۆکی ئەنجومەنی کوردان قسەی کرد و ڕایگەیاند، گەلی کورد تا ئازادی ڕێبەر ئاپۆ تێدەکۆشێت. کوردانی ڕووسیا تا کۆتایی وابەستەی ڕێبەر ئاپۆ دەبن و بۆ ئازادی ڕێبەرەکەیان تێدەکۆشن. وەک دەزانرێت ئەم پیلانگێڕیە لە لایەن، ئەمریکا، ڕووسیا و یەکێتی ئەوروپا بەڕێوەبرا."

ف.ق