لە ناوچەی قۆسەری مێردین سەرلەبەیانی ئەمڕۆ پۆلیسی تورک هەڵیانکوتایە سەر ماڵی نیلوفەر ئەلیک ییڵماز هاوسەرۆکی شارەوانی قۆسەر کە ٤ی تشرینی دووەم قەیوم لە جێگاکەی دانرابوو و  دەستگیرکرا. لە لایەکی تر  دیلبەر سولهان جێگری هاوسەرۆکی شارەوانی قۆسەریش دەستگیرکرا.

ئاشکرا بوو ییڵماز و سولهان لە چوارچێوەی لێپرسینەوەکەی داواکاری گشتی مێردیندا دەستگیرکراون و بۆ بەرێوەبەرایەتی پۆلیسی مێردین گواسترانەوە.

بەرپرسانی دەوڵەت هیچ زانیاریەکیان لەبارەی ییڵماز و سولهان بە پارێزەرەکان نەداوە.

لە لایەکی تر پۆلیسی تورک هەڵیانکوتاوەتە سەر ماڵی زەینی ئیپەک هاوسەرۆکی شارەوانی قۆسەر و لەبەرئەوەی لە ماڵەوە نەبووە، دەستگیرنەکراوە.

ف.ق