ناڕەزایی بەرانبەر قەدەغەی هاتوچۆ سات بە سات زیاتر دەبێت. کۆمەڵێک لە هاوڵاتی و دوکاندارەکانی سلێمانی سەرلەبەیانی ئەمڕۆ لەدژی داخستنی بازار و دوکانەکان ڕژانە ناو شەقامەکان و چالاکیان ئەنجامدا.

دوای نیوەڕۆ مامۆستا و کارمەندانی حکومی سلێمانیش بەشداریان لە چالاکیەکەدا کرد و پشتگیری خۆیان بۆ چالاکیەکان پیشاندا.

لە ئەنجامدا هێزەکانی ئاسایش بە بۆمبەی گازی و داری کارەبایی هێرشیان کردە سەر خۆپیشاندەران و ژمارەیەک خۆپیشاندەریان دەستگیرکرد.

خۆپیشاندەران بەرەو شەقامی سالیم بەڕێکەوتن  و بەشێکیشیان لە شەقامی مەولەوی دەستیان بە خۆپیشاندان کرد.

سەرچاوەکان باسی ئەوەیان کرد کە خۆپیشاندانەکان بەردەوامیان دەبێت. ئاڵۆزی نێوان پۆلیس و چالاکوانان بەردەوامە.

ف.ق