ناوەندی ڕاگەیاندن و چاپەمەنی هەپەگە لەبارەی ناسنامەی شەهیدان ڕاگەیەنراوێکی بڵاوکردەوە.

ڕاگەیەنراوی هەپەگە بەم شێوەیەیە:

لە ١٢ی تەموزی ٢٠١٩ دا بە هۆی هێرشی ئاسمانی سوپای دەوڵەتی داگیرکەری تورک لە هەرێمی گارەی سەر بە هەرێمەکانی پاراستنی میدیا هاوڕێکانمان بۆتان، ڕووبار و زاگرۆس شەهید بوون. ناسنامەی هەڤاڵە شەهیدەکانمان بەم شێوەیەیە:

نازناو: بۆتان جودی

ناو و پاشناو: عومەر کولتەر

شوێنی لەدایکبوون: شڕنەخ

دایک و باوک: ئەمینە و مەحمود

کات و شوێنی شەهادەت: ١٢ی تەموزی ٢٠١٩ / گارە

 

نازناو: ڕووبار ئازاد

ناو و پاشناو: فەرهاد ئەرهان

شوێنی لەدایکبوون: ئەرزەڕۆم

دایک و باوک: حازیمە و بەهادین

کات و شوێنی شەهادەت: ١٢ی تەموزی ٢٠١٩ / گارە

 

نازناو: زاگرۆس حەسەکە

ناو و پاشناو: حەمید حامید حەمۆ

شوێنی لەدایکبوون: حەسەکە

دایک و باوک: گوڵستان و حامید

کات و شوێنی شەهادەت: ١٢ی تەموزی ٢٠١٩ / گارە

 

فەلسەفە و بەرپرسیاری ڕێبەر ئاپۆ، بەرپرسیاریی تێکۆشانی نەتەوەیی خستووەتە سەر شانی هەموو کەسێکی کورد و هەستی ئازادی گەلی خوڵقاندووە. بە بیر و بڕوا کە ئازادی گەل بە تێکۆشانی گەورە و باجی قوڕس بەدی دێت، گەلی کورد لە پارچەکانی کوردستان بەشداری لە ڕیزەکانی تێکۆشان دەکەن و تێکۆشانێکی سەخت بەڕێوەدەبەن. ئەوانەی لە ناو تێکۆشاندا بە ڕوحی فیدایی لە ڕیزی پێشەوەدا شەڕ دەکەن، شەهیدەکانمانن. ئاڵای تێکۆشانی شەهیدانمان هیچ کاتێک ناکەوێتە سەر زەوی و هەموو کاتێک قاڕەمانە گەورەکان ئاڵای شەهیدەکانمانیان شەکاندووەتەوە. هاوڕێکانمان بۆتان، ڕووبار و زاگرۆسیش بۆ ئەوەی ببن بە قاڕەمانی پێشەنگی ئەم تێکۆشانەی مرۆڤایەتیە، بەشداریان لە ڕیزەکانی تەڤگەری ئازادی کورددا کرد.

هاوڕێ بۆتان، ڕووبار و زاگرۆس هەر یەکەیان لە پارچەیەکی جیاوازی کوردستان لەدایکبوون و سیاسەتی قڕکردنی لەدژی گەلەکەمانیان بینی و تێگەیشتن تاکە ڕێگای ڕزگاری تێکۆشانی گەریلایە. ئەرک و بەرپرسیاری شۆرشگێری خۆیان هەموو کاتێک بە فیداکاری و بوێری گەورە بەجێهێنا. لەم سەردەمەدا کە دەوڵەتی فاشیستی تورک هەوڵ دەدات بە ڕێبازی قێزەون گەلی کورد و گەریلا لەناوببات، هاوڕێکانمان بۆتان و ڕووبار و زاگرۆس بە قاڕەمانیەکی گەورە تا ساتی شەهیدبوونیان تێکۆشانیان کرد.

سەرەتا سەرەخۆشی خۆمان ئاڕاستەی خانەوادەی هاوڕێکانمان و لە هەموو گەلە وڵاتپارێزەکەمان دەکەین و بەڵێن دەدەین دواڕۆژێکی ئازاد بخوڵقێنین."

ف.ق