لە هەرێمی جۆلەمێرگ ئەو گوندنشینانەی کە سندووقه‌كانی دەنگدانیان گوازراوەتەوە، خۆیان گەیاندە سەر سندووقەکانی دەنگدان. گوندنشینان لە گوندی واتۆی سه‌ر به جۆله‌مێرگ ٢٥ کم ڕێگەیان بە پێ بڕی تا خۆیان گه‌یانده سەر سندووقەکانی دەنگدان.
هەرچەندە لە جۆلەمێرگ و ناوچەکانی سندووقەکانی دەنگدان لە لایەن ئەنجوومەنی باڵای هەڵبژاردنەوە گوازراونه‌ته‌وه، بەڵام به‌شێكی هاوڵاتییان ئێواره‌ی دوێنێ خۆیان گەیانده ئەو گوندانەی کە سندووقی دەنگدانی لێ دانراوه و هەندێکی دیکەشیان لە بەرەبەیانییەوە بەڕێكه‌وتوون. هاوڵاتییان بە پێ ڕێگەیەکی درێژیان بڕی تا گه‌یشتنه شوێنی ده‌نگدان.
دانیشتوانی گوندەکانی تالێ، والتۆ، کەها کلیلا و چه‌می به‌ده‌ل چوونه گوندی دیزە کە سندووقی هەڵبژاردنی تێدا دانراوە. نزیكه‌ی هه‌زار و ٢٠٠ كه‌س مافی ده‌نگدانی هه‌یه له‌و گوندانه. هاووڵاتیان به‌جۆشه‌وه بەشدارییان لە هەڵبژاردندا کرد و ده‌ستنیشانیان كرد کە ئەوان ٢٥ کم بە پێ هاتوون تا دەنگی خۆیان بدەن.
s.m
