بڕیارە ٢٤ی ئەم مانگە هاوسەرۆکی پێشووی هەدەپە فیگەی یوکسەک داغ جارێکی دیکە ببرێتە بەردەم دادگا. لەم چوارچێوەیەدا لە وڵاتانی ئەورۆپا کەمپینێک بە ناوی "ئازادی بۆ فیگەی یوکسەک داغ و ئەندام پەرلەمانە گیراوەکان" دەستی پێکردووە و بەردەوامە.

لە چەندین شار و پایتەخی وڵاتانی ئەورۆپا، وەکو بەرلین و کۆلن و ستوتگارت و کیل و ڤییەنای پایتەخی نەمسا و لەندەنی پایتەخی بەریتانیاو پاریسی پایتەختی فەڕەنسا و بێرنی سویسرا و چەندین شاری دیکەی ئەوروپا کەمپینەکە بەردەوامە.

لە چوارچێوەی کەمپینەکەدا، دۆسیەی زانیاری لەسەر یوکسەک داخ و ئەندام پەرلەمانە گیراوەکانی دیکەی کورد، بە زمانە جیا جیاکانی ئەو وڵاتانە ئامادە کراون و پێشکێش بە شارەوانییەکان و پارت و سەندیکاو رێکخراوەکانی ژنان و رۆشنبیر و هونەرمەند و رێکخراوە خۆجێییەکان دەکرێت و ئاگادار دەکرێنەوە.

لە پەیامەکاندا هەروەها داوا دەکرێت، رۆژی ٢٠ی ئەم مانگە لە بەردەم کۆنسۆلخانەکانی تورکیا و شوێنە جیا جیاکان چالاکیی ئەنجام بدرێن.

ز.ش