گەریلا لەچەلێ لەدژی سوپای تورکیا چالاکیی ئەنجامدا
گەریلاکانی هەپەگە ویەژاستار لەدژی سوپای داگیرکەری تورکیا لە گردی خەڕگەل-ی چەلێ چالاکییان ئەنجامدا. لەوچالاکییەدا سەنگەر وحەشارگەکانی سەربازانی سوپای تورک کرانەئامانج.
ناوەندی ڕاگەیاندنی هێزەکانی پاراستنی گەل-هەپەگە، دەربارەی چالاکی گەریلاکانی لەدژی سوپای داگیرکەری تورکیا ڕاگەیەنراوێکی بڵاوکردەوە.
لەڕاگەیەنراوەکەی هەپەگەداهاتووە:
"هێزەکانمان لەچوارچێوەی هەلمەتی شۆڕشگێڕانەی شەهید باران وشەهید ڕوناهی، لەڕۆژی ٢٩ی ئادار لەکاتژمێر ١٨:٥٠ لەدژی سوپای داگیرکەری تورکیا لەگردی خەڕەگول-ی ناوچەی چەلێ-ی جولەمێرگ چالاکیان ئەنجامدا. لەوچالاکییەدا سەنگەر وحەشارگەکانی دوژمن کرانە ئامانج. لەوچالاکییەدا کوژراوبریندارانی دوکمن نەزانراوە.
سوپای تورکیا دوای چالاکییەکە لەڕێگەی فڕۆکەی جەنگییەوە دەورووبەری گوندی بێخێر و ئیلێ-یان بۆردومانکرد. لەوبۆردومانەدا هیچ زیانێک بەرهێزەکانمان نەکەوتووە.
هێرشی ئاسمانی فڕۆکەجەنگییەکانی سوپای داگیرکەری تورکیا لەسەرهەرێمەکانی پاراستنی مەدیا و خاکی باشووری کوردستان بەردەوامە.
ڕۆژی ٢٩ی ئادار کاتژمێر ١٣:٠٠تا ١٧:٠٠ سوپای تورکیا ناوچەکانی لێلیکان، ئیرمووش ودۆڵی چل و چار-ی هەرێمی سیدەکان-ی باشووری کوردستان-یان بۆردومانکرد.
ڕۆژی ٣٠ی ئادار کاتژمێر ٠٤:٣٠ فڕۆکەجەنگییەکانی سوپای تورکیا گوندی قەڵاتوکان، سلێ، بێپالان و باڵەیان-ی قەندیلیان بۆردومانکرد.
لەوبۆردومانانەدا هیچ زیانێک بەر گەریلاکانمان نەکەوتووە.
