بە پێشەنگیی 'دەستپێشخەری گەل' دژ بە هێرشە داگیرکارییەکانی دەوڵەتی تورکیا، ئەمڕۆ لە قەندیل ڕێپێوانێکی گەورە بەڕێوەدەچێت. پێش دەستپێکردنی ڕێپێوانەکەش، لە زۆرێک لە شار و شارۆچکەکانی باشووری کوردستانەوە، بەرەبەیانی ئەمڕۆ، هاوڵاتیان بەرەو قەندیل بەڕێکەوتن.

هاوڵاتیان لە شارەکانی دهۆک، هەولێر، سلێمانی، کەرکوک، گەرمیان، ڕاپەڕین، شارەزوور، کفری، خورماتوو، چەمچەماڵ، ڕانیە و زۆر شوێنی ترەوە، بەرەبەیانی ئەمڕۆ بەرەو قەندیل بەڕێکەوتن. لە شاری ڕانیە هاوڵاتیانی باشووری کوردستان لە دەوری یەکتر کۆدەبنەوە و جەماوەرییانە لە ڕانیەوە بەرەو قەندیل بەڕێدەکەون.

هەزاران کەس، بۆ ئەوەی دژ بە هێرشە داگیرکارییەکانی دەوڵەتی تورکیا سەردانی چالاکوانانی قەڵغانی زیندوو لە قەندیل دەکەن و بۆ ناڕەزایەتى دەربڕین بەو داگیرکارییانە راگەیاندراو بڵاودەکەنەوە و لێدوان بە میدیاکان دەدەن.

ر.م