ناوەندی راگەیاندن و چاپەمەنی یەکینەکانی ژنانی شەنگال (یەژەشە) رایگەیاند، شەڕڤانێکیان بە ناوی ئاریا زەکی ١٥ی ئادار بە هۆی لافاوەوە شەهید بووە.

تەرمی شەڕڤانی یەژەشە بە مەراسیمێکی جەماوەری لە گۆڕستانی شەهید دڵگەش و شەهید بەرخودان بەخاکسپێردرا.

لەسەر ناوی کۆمیتەی بنەماڵەی شەهیدان مەیان ناسر قسەی کرد و رایگەیاند، "دوژمن رێگەنادات لە سەر خاکی خۆمان بژین و لە دژی کۆمەڵگای ئێزدی شەڕ دەکات. لە سایەی شەڕڤانانمانەوە دوژمن ناتوانێت ئامانجەکانی بپێکێت. ئێمە شانازی بەو شەڕڤانانەمانە دەکەین کە پارێزگارییان لە دۆزی ئێمە کردووە".

هـ . ب