شەوی رابردو تا نزیکەی نیوەرۆی ئەمرۆ، باهۆزێکی بەهێز وڵاتانی باکور و ڕۆژئاوای ئەوروپای گرتەوە.
باهۆزەکە، کە بە فردریک ناسراوە، هەر یەکە لە هۆلەندا، بەریتانیا، فەرەنسا، بەلجیکا و ئەڵمانیای گرتەوە و خێرایەکەی زیاتر لە 140 کیلۆمەتر بووە، زیانی زۆری بە مادی بەو وڵاتانە گەیاندە و لە زۆر شوێن درختەکانی شکاندوەتەوە و لە کەنارەکانی دەریاکانیش شەپۆلی بەهیزی ئاوی دروست کردوە.
وێرای هەموو ئەمانەش 3 کەس لە هۆلەندا، کەسێک لە باکوری ئەڵمانیا بەگشتی 4 کەس ژیانیان لەدەستداوە و چەندین کەسی دیکەش بریندار بوون. لە هەندێک شوێنیش کاریگەری لە ڕێگاکانی گواستنەوەی شەمەندەفەر و ماشێن داناوە و ئاستنەگی گەورەی دروستکردوە.
هەروەها لە چەندین فرۆکەخانەی گەورەی ئەوروپاش بە شێوەیەکی کاتی دەیان گەشتی ئاسمانی بەهۆی باهۆزەکەوە ڕاگیراون.