بەپاو ئا زانیارییا یاوێنێ دەسما، چەتەکا دەوڵەتو تورکی ئەرەگیری ئاێرشا جە دەشتە زراعیەکا مەنتیقەو ئەرەگیرو لادەگاکا وەرنیشتی جە مەنتیقەو زرگانی وەردان.

بەپاو زانیارییەکا، ئاێرەکە فراوان بیەن و تیمەکا ئاێرکوشنایۆ و فریاکەوتەی ئامادەکاری کەرا پەی کوشنایۆ و پارێزنای دەشتەکا.

دەوڵەتو ئەرەگیری تورکی و چەتەکاش، باخ، دارسان و دەشتە زراعیەکا بەرەو وەڵێ جەنگی جە مەنتیقە ئەرەگیرەکانە سۆچنا.

هەرپاسە چەتەکاو دەوڵەتو تورکی ئەرەگیری جە دەگاو باسلێی سەر بە عەفرینی، ئاێرشا جە دەشتەکا دەگایەکا عاقیبە و بێنێ جە شێراوانە ۋەردان.

جە لێوەتەرۆ جە ئەنجامو تۆپ وارانوو سوپاو ئەرەگیروو تورکینە پەی سەروو دەگاکا کانتۆنوو منبجی جە ٧و ئایارینە، دەشتەکێ دەگاو کۆریۆکی ئاێرش چەنەکەوتۆ.

هەرپاسە شەهبانە بە مەلامەتو تۆپ وارایۆ دەشتەکێ دەگاو ئوم هۆشی ئاێرش ۋنەکۆتۆ.