سیاسەتمەداری ئەڵمانی مارتین دۆلزێر، ئەرەیاۋناش، ئا ناڕەزایەتیۍ جە وەرا ۋەروو گۊشەگیرکەردەی عەبدوڵا ئۆجالانینە نیشانە مڎریا، وەسۍ نېیەنۍ و واتش، "چالاکیېوە حەقەتینە پێویسا، تەنیا بە ئیمزۍ و بە هەنگامۍ ڕەمزیۍ مەکریۆ".
نزیک بە ٤ ساڵان بە حیچ جۆرۍ زانیاری سەروو رابەروو گەلو کوردی عەبدوڵا ئۆجالانی هۊرمەگیریۆ. سیاسەتمەداری ئەڵمانی مارتین دۆلزێر سەروو ئا مژاریە قسېش پەی ئاژانسەکەیما کەردۍ.
مارتین دۆلزێر ئانەش وست ڕووە کە ئا گۆشەگیریەی دەوڵەتوو تورکی مسەپنۆش پاشێلکەردەی مافەکاو مرۆڤی و یاسای میان نەتەوەییا و واتش، " جە گرڎوو سەردەمەکانە جە چن سەدەی ۋییەردەنە هیچ کەسێوە بیەیش نەبیەن کە ماوەو یەرۍ ساڵا یان ماوېوە فرەتەر سەردایش نەکریابۆ یاخود هیج هەواڵێوەش نەزانیابۆ. حکومەتوو تورکی ئینا پەشتەو ئی گۆشەگیریەیۆ. وەڵۍ گرڎ چېوێنە رژێموو ئەردۆغانی گەرەکش نیا کێشەی دلېینەو تورکیای بە تایبەتی کێشەو کوردی بەشێوۍ ئاشتیانە چارەسەر بکریۆ.
ئێمە ئینەی جە فرەو لایەناوە موینمۍ، پەی نمونەی بەکارئاوردەی چەکی کیمیاویی جە پانیشتوو کوردسانی، بەکارئارڎەی چەکی قەدەغەکریای، کۆمکوژی بە فڕۆکەی بێفڕۆکەوان جە ۋەرنیشتەنە، کوشتەی بێ دادگایی، پېسە دۆسیەو کۆبانێ سیاسەتی دژ بە زیندانیا سیاسی، ئانەی وزۆ ڕووە. ئێمە ئانەی بە تایبەتی جە سیاسەتەکا دژ بە عەبدوڵا ئۆجالانینە موینمۍ، ۋەروو ئانەی عەبدوڵا ئۆجالان ئا کەسەنە کە گەرەکشا پرسوو کوردی بە شێوېوە ئاشتیانە چارەسەر بکەرۆ".
مارتین دۆلزێر باسش چانەی کەرد کە ئا گۆشەگیریە کۊششېوەن پەی ڕاگېرتەی جە چارەسەری سیاسی و واتش، "نەتەوە یۊگېرتەکۍ، ئەوروپا، گلېرگەی میان نەتەوەیی جە ۋەرا ۋەروو ئا گۆشەگیریەینە هەڵوێسېوە دیارشا نیشانە نەڎان. بەتایبەتی سی پی تی و ئەوۍ تەرۍ، پەی دمایی ئاردەی پا گۆشەگیریە مشۊم فشارېوە حەقەتینە سەروو حکومەتوو تورکی وەش بکەرا. حەرپۊکەی مشۊم سی پی تی سەردای ئۆجالانی بکەرۆ و جە هەمان وەختەنە گرڎوو دەوڵەتا ۋەرنیشتی، حکومەتوو گرڎوو دەوڵەتا ناتۆی مشۊم ئانەی بکەرا، چونکی تورکیا بەشێوەن جە ناتۆی. حکومەتوو ئەمریکای، حکومەتوو ئەڵمانیای، حکومەتوو فەرەنسای، گرڎوو حکومەتەکا ناتۆی کە ماچا دڵسۆزۍ یاسای میان نەتەوەیی و مافەکا مرۆڤینۍ، نەک هەر مشۊم بلانۍ پەی سەردایش بەڵکم جە هەمان وەختەنە فشار بکەرا کە پارێزنەرا بتاوا سەردای ئۆجالانی بکەرا، کەسوکارەکەش، کەسوکارو سزادریایا تەری بتاوا بە شێوەی بەردەوام و بە رێکوپێکی سەردای ئەنجام بڎا".
جەبارەو هەڵمەتەو 'ئازادیی پەی عەبدوڵا ئۆجالانی، چارەسەری سیاسی پەی پرسوو کوردی' کە جە ١٠و تشرینی یووەم و ٢٠٢٣ دەسسپنەکەرد و هەڵای بەردەوامەنە، مارتین دۆلزێر واتش، بێگومان ئانە چېوۍ عالا، واتە بێگومان ئەرێنییا. بڕۍ مرۆڤۍ هەنۍ کە بڕۍ چېو بکەرا، بێگومان ئە کەسۍ پەشتیوانی جە جمیەروو کوردی مکەرا، بڕۍ مرۆڤۍ دۆسۍ کە هەڵمەتۍ پا جۆریە بەرا ڕاوە. ئینە پێویسا و چېوۍ عالا. مشۊم حەجگیز نەمردۆ، حەرپاسە مشۊم فراوانتەر بکریۆ، مشۊم زیاتەر مرۆڤەکۍ چنەشەنە بەشدارۍ با. نەک هەر کەسایەتیەکۍ، جە هەمان وەختەنە کاراکتەرەکۍ پېسە رێکوزیا مەدەنیەکا و پارتە سیاسیەکایچ بەشداری چا هەڵمەتېنە بکەرا. بەتەسەوروو من چېگەنە چېوێوە پا جۆرە هەن، بەشداربیەی بە تەنیا وەسۍ نییا، بە کردەوە مشۊم بڕۍ هەنگامۍ بنریا، ۋەروو ئانەی چېوۍ فرە جیاواز هەن. من ئیمزێوە مکەر و چنی بڕۍ چانیشا ئیمزا مکەرا تائاستېوە پەیوەندیم هەن، بەڵام مشۊم چالاکی حەقەتینە ئەنجامبڎریۆ. نەک هەر بە ئیمزا و بە شێوۍ ڕەمزی، مشۊم چالاکی و ۋېنیشاندای حەقەتینە بکریۆ.
پەی نمونەی دی لینک یان بوندیس ساهرا واگنکنێخت، یاخود فارنسیس هۆمیس، یانیچ پېسە پی جی ئێفی جە فەرەنسا، یاخود لایەنە چەپەکا، مرۆڤدۆسەکا، پېسە سۆسیال دیموکراتەکا جە سوید مشۊم فشار بوزانۍ سەرو حکومەتوو تورکی، پەی فاڕای بڕۍ چېوا مشۊم فشار بکەرا".
