کۆمیسیۆنو یاسای و مافەکا مرۆڤی پارتو یەکسانی و دیموکراسیی گەلا (دەم پارتی)، جە چوارچێوەو "گلێرۆبییەکا گلێرگە و دیموکراتیک" ی جە وانەنە چنی سەرۆکو نووسینگەی و ڕێکوزیا یاساییەکا و پارێزنەرا گلێربییۆ. یاگەگیرو هامسەرۆکو گرڏی دەم پارتی و وەرپرسێ کۆمیسیۆنو یاسای و مافەکا مرۆڤی ئۆزتورک تورکدۆغان، هامواتەواچوو کۆمیسیۆنەکەی سەڤدا چەلیک ئۆزبینگۆل، ڕێکوزیا یاساییەکا و پارێزنەرا بەشدارێ بێنێ.

سەڤدا چەلیک ئۆزبینگۆل واتش: "چی پرۆسەنە، جگە جە خەباتو بوارو سیاسی، لایەنگی یاسایی ئی پرۆسەیە گرنگا و مشۆم گرڏ هامکارێ بانە. ئاشتی بە هامکاری و بەشداری گرڏ و توێژە کۆمەڵایەتییەکا بۆنە. ئێمە وێما وەر پرسیا وینمێ و پی جۆرە مامەڵە مکەرمێ".

ئۆزتورک تورکدۆغان واتش: "بانگەوازەکەو ئێژا ئۆجالانی تاریخییا. جەبنەڕەتەنە، درێژەپنەداو چارەسەری ساڵە و ١٩٩٣ـە. پرۆسەو ئی جارەی ناچارییا و ئێژا ئۆجالان وەرپرسیارێتی تاریخیش گێرتەن ئەستۆ".

تورکدۆغان هیواش وازا ئا هەنگامێ سەر و زەمینەو یاسی و یاسێ نریۆرە کریانە ئەنجام، چی ڕوانگە و ئەرکو نووسینگەو یاساییەکا مەیا وەڵێ.

تورکدۆغان ئەرەیاوناش جە گرڏ گلێرۆبیێوەنە داواو هورگێرتە و ئاستەنگەکا وەردەمو ئازادکەردە و زینانیا نەوەشیش کەردەن، واوەیش کەردۆ کە ڕابەر ئاپۆ چی پرۆسەنە ئیرادەو وێش نیشاندان و ئیسە مشۆم دەسەڵات هەنگامەی یاساییە بنیۆ، واتش: "مشۆم یاساکێ و دەستوور فاڕیا. مشۆم هەوڵدریۆ پەی فاڕییاو  سیستەمو تاکڕەو پەی سیستەمێوە فرەیی‌پارێز. ئێژا ئۆجالان چی پرۆسەنە ئەرەنیشتێوە سەرەکییا و مشۆم ئی پرۆسەیە بەرۆڕاوە".

دماتەر گلێرۆبییەکەی دوور جە چەمە و میدیاکاوە بەردەوام بێ.