بە سەرمەشقایەتیی ئەنداماو گەنجاو کوردستانی فەڕەنسانە (جەکەفە) پەی شەرمەزارکەردەی گۆشەگیریی سەروو ڕابەروو گەلوو کوردی عەبدوڵا ئۆجالانی و دەسملەرەگێرتەی شارەوانیی جولەمێرگی، چالاکیی ناڕەزایەتی کریا.

ڕاپیمایەکەنە پۆستەروو ڕابەروو گەلوو کوردی عەبدوڵا ئۆجالانی ورگیریا.

ئەرهان کۆپ بە نامێ مەجلیسوو گەلوو دراگونیانیوە ئەرەیاوناش دەسەڵاتی فاشیستی ئاکەپە-مەهەپەی وەرگەو شکسەکاو سالەو دمایی نمەگێرۆ، پەوکای دەس گێرۆ ملوو ئا شارەوانییارە کە بەدیموکراتیک بەدەس ئامێنێ، واتش: "هەوڵێ مدۆنێ هەقە بکەرۆوە، بەڵام مشۆم گرد لاێوە بزانا، ئینە دمایین هەوڵەکێشانێ و مەحکوومێنێ بە شکستی".

هەرپاسە تیشکەش وستە سەروو گۆشەگیریی ڕابەروو گەلوو کوردی عەبدوڵا ئۆجالانی و واتش: "پێویسا دەمودەس دمایی پی گۆشەگیرییە نائینسانانەیە بێ، تا ئازادیی جەسەیی ڕابەر ئاپۆی، مەیدانەکانە دەنگما بەرز مکەرمێوە".

چالاکییەکەنە درووشموو "بژیوۆ سەرۆک ئاپۆ"ی و "بێ سەرۆک ژیوای نمەبۆنە" و "گەنجێ فیدایێ ڕابەر ئاپۆینێ" و "کوردستان مبۆنە بە  قەبرسانوو فاشیزمی" بەرزێ کریێوە. ڕاپیمایەکەی وەردەموو ناوەندوو مەجلیسوو گەلوو کوردی دیموکراتیکوو دراگونیانینە دماییش ئاما.