بە سەرمەشقایەتی جەمەو بنەیانەو گەشمەرڎا (کۆماو)ی و ئەنجوومەنوو گەلو کوردی جە ناوەنڎوو گلێرگەو دیموکراتیکی کوردی دیموکراتیکی ساربروکنینە چالاکیێوە پەی یاڎکەردەیۆ گەشمەرڎا مانگەو گوڵانی ئەنجامدریا. یاڎکەردەیۆکەی بە دەیەقێوە ڕێزۋنەنیای پەی یاڎو گەشمەرڎا ئازاڎیی کوردسانی دەسشپنەکەرد.

دماتەر بە نامۍ ئەنجوومەن و کۆماویوە قسۍکریا.

جە قسەکانە ئاماژە پانەی کریا گەر گەلێوە خاوەنداری جە گەشمەرڎا، ڕابەرەکەیش و جەنگەوانا ئازاڎیی ۋێش نەکەرۆ، بە مەعناو ئانەی مۍ کە خاوەنداری جە گەلبیەی ۋێش مەکەرۆ. هەر پۊکەی هیچ کەسێوە مەتاۋۆ ئی قسۍ ۋەرا ۋەر بە گەلوو  کوردی بکەرۆ. قسەکەرەکۍ ئاماژەشا پانەی کەرد: "گەلو کوردی ۋەرا ۋەر بە گەشمەرڎا، ڕابەرایەتی و جەنگەواناش دڵسۆزا و خاوەنداری مکەرۆ."

هەر جە درێژەو قسەکانە ئاماژەشا بە گرنگی کۊشیای پەی ئازاڎیی ڕابەروو گەلو کوردی عەبدوڵا ئۆجالانی کەرد و واتشا: "تەنیا بە کۊشیای گەورە متاومۍ ئازاڎیی جەستەی ڕابەر ئاپۆی مسۆگەربکەرمۍ."

جە دمادمایینە چالاکیەکە بە دروشمەکا "گەشمەرڎۍ مەمرا"،  "بژیۋۆ سەرۆک ئاپۆ" و "ژەنی، ژیۋای، ئازاڎیی" دمایش پنە ئاما.