ناوەندوو ئەرەیاونای و چاپەمەنیی هێزەکاو پارێزنای گەلی (هەپەگە)، سەبارەت بە گەشمەرڎەبییەیی ٢گەریلا گەشمەرڎا واتش:

"هامڕێما پڵنگ و ڕووبار  ٢٧وو نیسانوو ٢٠٢٤ هجووموو دوژمنینە پەی سەروو هەرێموو خاکورکی لوێ کارەوانوو گەشمەرڎاوە."

هامڕاما پڵنگ، ڕۆڵەی ئازاو گەلوو گەرمیانی، کە تارێخەکەش پەڕا جە وێگێری، تاواش بە کەسایەتیی ڕاسواچ و سادەش وێش دلێ دڵوو گردوو هامڕاکاشنە  بکەرۆوە و بۆ بە کۆشەرێوی ئاپۆیی. هامڕاما پڵنگ وەختێوەنە، کە هجوومەکاو چەتەکاو داعشی و هجوومە ئەرەگیرکارییەکاو دەوڵەتوو تورکی دەسشا پەنە کەردۆ، پەیوەندییش بە ڕیزەکاو ئازادییوە کەرد، بۆنەو کارڎایوەی کۆمەڵایەتییوە بە بەشداریکەرڎەیش جە کۆشیای ئازادیینە هەرمانەی تارێخییەش یاونا وەلاپۆپە. هامڕاما پڵنگ جە حەرهەرمانێوەنە کە هەرمانە و وەرپەرسی ورگێرێ بە هوشیارییوە ورسونیشت کەرێ و بەرڎەوام ئامانجش سەرکەوتەی بێ، جە بەرزتەرین ئاستنە کۆشیای وێش خۆی بەرێ ڕاوە و تارێخوو ئازادیی گەلەکەیمانە نامێش پەی هەمیشەی مەنۆ.

هەرپاسە هامڕاما ڕووبار کە مگنۆنێ چێروو کاریگەریی کۆشیای قارەمانانەو هامڕایاما جە شۆڕشی ڕزگاریوازوو وەرنیشتینە، هەست بە قەرزداری مکەرۆ و قەراروو بەشداربییەی مدۆنێ و ملۆ ڕیزەکاو گەریلایوە، بە کۆشیای وێش بی بە کۆشەرێوی نموونەیی ڕێبازی ئاپۆیی. هامڕاما ڕووبار کە تووڕەیی و قینێوە قەوەتەش وەراوەروو دوژمنیوە بێ، زانێ یاگێ وەنەپەرسایوە ڕیزەکاو گەریلاینە، پەوکای ڕووەش کەرڎە کەشە ئازادەکاو کوردستانی.  پەی بەیاگەیاونای سیاسەتی سەرەکیی حیزبی حەر هەلومەرجێوەنە هەوڵێوی فرێش دێ. بە کۆشیای تا دما هەناسەش پەی بەدیئارڎەی ئارمانجوو گەشمەرڎا هەڵوێستێوی یەکلاکەرەوەش نیشانە دا. بەگردیوە هەرمانەکێش بە خاسی و دڵسۆزانە یاونێ یاگێ.

سەرەوەشیی وێما ئاراستەو سەرجەم گەلی وەڵاتپارێزنوو کوردستانی بەتایبەتی بنەیانەی بەنرخوو هامڕایما  پڵنگ و ڕووبارێ مکەرمێ، کە ڕیزەکاو کۆشیای ئازادیی کوردستانینە تا دما ساتەکاو ژیوایشا پەی "ئازادیی ڕابەرایەتی و کوردستانێوی ئازاد"ی بە نرخ و پەڕ مانای کۆشیێ. جە کەسایەتیی هامڕایاما پڵنگی و ڕووبارینە، جارێوی تەر وەعدما ئەوەخوای مکەرمێوە، کە بیمێ بە شایسێ گردوو هامڕا گەشمەرڎاما.نامێ شناسنامێ  هامڕا گەشمەرڎاما پێسنێنە:

نامێ ڕێکوسەیش: پڵنگ گەرمیان

نامێ و دمانامێ بنەیانەی: کاروان نازم حەمە غەریب

یاگێ پەیڎابییەی: گەرمیان

نامێ ئەڎێ- تاتەی: شەوبۆ-نازم

بەروار و شۆنەو گەشمەرڎەبییەی: ٢٧و نیسانوو ٢٠٢٤/خاکوراک

**************

نامێ ڕێکوسەی: ڕووبار ئاگری

نامێ و دمانامێ بنەیانەی: حەسەن حەسەن

یاگێ پەیڎابییەی: دەربیسی

نامێ ئەڎێ-تاتەی: خەدیجە-شێخموس

بەروار و شۆنەو گەشمەرڎەبییەی: ٢٧و نیسانوو ٢٠٢٤/ خاکورک.