شەڕڤانانی مەجلیسی سەربازیی مەنبەج هەوڵێکی چەتەکانیان شکست پێ هێنا بۆ دانانی چەکی قورس لەبەردەم بنکەی گوندی ئەل کرێدییە. ناوەندی ڕاگەیاندن و چاپەمەنی مەجلیسی سەربازیی مەنبەج دەربارەی ئەم بابەتە ڕاگەیاندراوێکی بڵاوکردەوە، دووپاتی دەکاتەوە دەوڵەتی تورک و چەتەکانی هێرشەکانیان بۆ سەر گوندەکانی کانتۆنی مەنبەج فراوانتر کردووە.

هەروەها گوتراوە: "چەتەکانی دەوڵەتی داگیرکەری تورک دەیانویست چەکی قورس لەبەردەم بنکەی سەربازی لە گوندی ئەل کرێدییە دابنێن. بە هۆشیاری هێزەکانی مەجلیسی سەربازی مەنبەجمان، ٢ هاوەن کرانە ئامانج و تێکشکێنران. هاوەنێک لەناوبرا و ئەویتر گورزی بەرکەوت. لەم چوارچێوەیەدا، ٢ چەتە کوژران و ئۆتۆمبێلێکیان تێکشکێنرا".

لە ڕاگەیاندراوەکەدا جەخت کراوەتەوە، تۆپبارانی دەوڵەتی داگیرکەری تورک بەردەوامە.