لە بەردەوامی هێرشە داگیرکارییەکاندا، فڕۆکەی بێ فڕۆکەوانی چەکهەڵگری دەوڵەتی داگیرکەری تورک، شوشتنگەی ئۆتۆمبێلی ئاراراتی لە نزیک گەراجی باسان لە شاری دێرک بۆردوومان کرد و لە ئەنجامدا چوار هاوڵاتی مەدەنی بە سەختی برینداربوون.

بەگوێرەی زانیارییەکان، دوای گواستنەوەیان بۆ نەخۆشخانەی قامیشلۆ، دوو لە بریندارەکان  بە ناوەکانی، عەبدوڵا عەلی ئەل ئەحمەد و ئەنەس تەمام محمەد بەهۆی سەختی برینەکەیانەوە گیانیان لەدەست داوە.