ئاویروو گێڵای شۆنەو حەقیقەتی و ژیوای ئازادیرە هەمیشە کەشە سەرکەشەکاو کوردستانینە بەرز مبۆوە. جوانتەرین و سەرکەوتەتەرین کناچێ و کوڕێ بە عەشقوو ئازادییوە ئی ئایرەیە مپارێزنا. ٢٠و حوزەیرانوو ٢٠٢٤ینە، چوار قارەمانێ بە نامەکاو بروسک کاتۆ، ڕۆستەم چەکدار کاتۆ، کامران تەیرێ باز و دڵسۆز گابار تا دماهەناسەشا هەرێموو بۆتانینە چەنی سوپاو تورکی گژیێ و پەی ئازادیی کوردستانی گەشمەردێ بیێ لوێ  کارەوانوو نەمراوە.

قارەمان بوتان بروسک کاتۆ (باسری جین) بنەیانێوی وەڵاتپارێزنەنە کە کولتوری کۆنوو بوتانی بەزیندەیی مدرنۆ. بروسک کاتۆ، کە بە دڵسۆزی و تایبەتمەندیی بنەیانەی گەورە بییەن، واتش: "گەلەکەما، گلێرگەکەما ئینا چێروو چەوسنایۆەنە.  شناسنامە و زوان و کولتوور و بییەیما دلێنە مشۆ.  هەرمانەو من پارێزنای بەهاکاو گلێرگەین و فرە شانازیی مکەروو، کە کۆشیایم پەی ئی ئامانجەیە کەردەن "و ساڵەو ٢٠١١ پەیوەندیی بە ڕێزەکاو گەریلایوە مکەرۆ. بروسک کاتۆ پێسە پێناسەو پەکەکەی مکەرۆ: "پەکەکە  جمیەرێوا جە ئەخلاق، جوانشناسی، ڕاسواچی، یەکسانی، ویژدان، دادپەروەری و ئینسانە دڵسۆزەکا، کە سەروو بنەماو وێڕێکوستەی چوارچوەو فەلسەفەو ڕابەر ئاپۆیەنە هەنگامەی پەلێش وەڵێوەلوای شۆڕشگێڵنینە نیێنە."

تا جەنگ گەورەتەر ببۆ، پێسە کەشوو کاتۆی ئێدیچ بەهەیبەتتەر تر مبۆنە

بروسک ماوەو ١٣ ساڵا بەبەردەوامی کۆشیا دماو هەرێموو گارێ، لوا زاپ. ئاد جە بارودۆخێوی سەختوو جەنگەنە مەنۆ. پەی نزیکەو ٣ ساڵا زاگرۆسەنە، جە ڕووەو سەروازی، ژیوای و ئایدۆلۆژییوە چەنەئامای خاسش دەس وستەبێ، بروسک کاتۆ کە ئەزموونێوی فرەش زاپنە بێ، دماو ئانەیە هجوومەکاو داعشی پەی سەرو وەەنیشتی و شەنگالی دەسشا پەنە کەرد، پێسەو جەنگەوانیوی ئاپۆیی لوا وەرنیشت پەی وەری چەتەکانی گێریی داعشی. ئۆپەراسیۆنەکاو ڕزگاریی وەرنیشتینە بەشدارێوی وەرەچەمش کەرد. بروسک  گردوو بەرەکانە ئازایانە دژوو داعشی گژیا. ساڵەو ٢٠١٧ هەرمانە وێش وەنیشتەنە بەسەرکەوتەیی تەمامنا و گێڵاوە پەی کەشەکاو کوردستانی. ئاکادیمیاو گەشمەردە ئیبراهیمینە پەروەردەێوی قووڵ و خاسش دەس وست، بەتایبەتی جە تاکتیکوو گەریلایەتیی سەردەمی تازەینە. دماو تەمامیای پەروەردەی ڕوانەو هەرێموو کاتۆی یاگێ پەیدابییەی و گەورەبییەیش مکریۆ و چا درێژە بە کۆشیای مدۆ.  

بروسک کاتۆ بە چەمنەتەرسی جەنگوو دژوو سوپای ئەرەگیرکەرەو تورکینە، زانێ چەنی وێش و هامڕایەکاش بپارێزنۆ تەنانەت چێروو قورستەرین هجوومەکانە. چونکوم جوگرافیای سەرکەشوو کاتۆی، بروسکیش پاسە پنە کەرد، کە فرەو ڕایەکا شارەزا بۆ. ئەگەر ئی کەشێ نەبیێنێ، چەنی داستانوو فەداکاری پاسە دڵمانە مەنێوە؟ ئاد گەریلاێوی قەوەت بێ و پێسەو کەشەکا سەرسەخت بێ. وەروو ئینەیە گردوو جەنگەکامە شەڕەکاندا بە تەوەنی و بەرە قووڵەکاو وێش پارێزنێ. پەی پابەندبییەی بە پەیماو کۆشیای، گرد ساتێوی ژیوای وێش  پەی خوەو ئازادیی سەروو لەوساو ڕۆڵەکاو نیشتمانەکەیش بەخشێ. ماوەو ١٣ ساڵا سەرەمڕ، گردوو بوارەکانە کۆشیایێوی گەورە کەرێ.  

ڕوستەم بەهەڵوێست و یاگێ بنەڕەتییەو وێش عاشقێوی هەقەتینوو وەڵاتەکەیش بێ

هەرێموو بروسکینە، سەروو هەمان جوگرافیای و هەمان کەشوهەواو وەڵاتپارێزنیینە، ڕوستەم چەکدار کاتۆ، ئشناسیا بە سەفەر تەمەل، دەگاو سەتکارە پەیدا بییەن. گەنجە وێگیرەکەو بۆتانی، پێسەو گردوو ڕۆڵەکاو ئا مەنتێقەیە، چەمێش ڕووەو  جیهانیرە مکەرۆەوە و وەرموو کەردەینەی جلاو گەریلای تاریکیی شەوێنە مکەرۆ. سەبر و عارەزوو گەورەبییەی و بەشداربییەی ڕیزەکاو گەریلاینە گەورەتەرین وەرموو ئادین. ڕوستەم دلێ ڕاسییەکاو وەڵاتەکەیشنە گەورە مبۆنە و زووتەر ساڵەکا بڕۆ. بە یاواینەی و هۆشیارییوە مزانۆ چەنی ژیوایشەنە ورچنیەی درووس ورچنۆ. یەکەم چێو ڕەتش مکەرۆوە بلۆ مەکتەبە ڕسمییەکا و بەرەو دڵ و ڕۆحیش ڕووەو  گاڵتەجاڕی و چەواشەکارییەکارە موزۆرە. عومروو گەنجیشەنە دەس خەبات و هەرمانێ وەڵاتپارێزنیێ مکەرۆ و هامکاریێوی فرەو پارێزوانا وەڵاتەکەیش مکەرۆ.

چەکدار کاتۆ ساڵەو ٢٠١٣ بەشانازییوە بەشداریی ڕیزەکاو گەریلای مبۆ، چەکدار کە بە پێشکەشکەردەی ئا ئەزموونا دەسش وستێبێنێ  هەوڵێشدێ پەی هامڕایاش ،دەوری خاس بوینۆ، دماو یەرێ ساڵا کۆشیای سەرکەوتانە هەرێوو کاتۆ-ژیرکەینە، بەرەو هەرێمەکاو پارێزنای میدیای ملۆ.  دماو ئانەیە چەتەکاو داعشی هجوومشا کەرد سەروو وەرنیشتی، بە پەلە ملپ دەموو هاواروو گەلەکەیشۆ و ماوێوە وەرنیشتنە جەنگ مکەرۆ و گەلەکەیش پپارێزنۆ. چەکدار کاتۆ کە داستانوو مدرامانینە وەرنیشتەنە بەشدارییش کەردەبێ،  دمایی گێڵاوە هەرێموو بادینانی. دماو ئانەیە ئەرەگیرکەرێ هجوومشا کەرد سەروو حەفتانین، بەشداری هەڵمەتەو  شۆڕشگێڵنانێ "جەنگووخابور"یش کەرد و چەنی هامڕایەکاش ئۆپەراسیۆنی فرە سەرکەوتانەشا کەرد.

چەکدار کاتۆ مەنتێقەو بۆتانینە کە زارۆڵەییش جا ویەرنابێ و گەرەکش بێ بۆ بە گەریلا، ڕووش نیا کەشەکاو  بۆتانیوە. پێسەو گەنجێوی گەنجێوی ئازاو بوتانی بی بە کۆشەرێوی ئازا و ساعیب یاگە و پرەنسیپی یەکلاییکەرەوە کۆشیاینە. ڕۆستەم چەکدار کاتۆ، گەنجی ئازاو بوتانی کە زاڕۆڵەییوە تا دما ساتوو ژیوای جە ڕووبەڕووبییەیوە دوژمنینە شکسش نارد و هەرمانەکێش  بە دروسی کەردێ، ٢٠و حوزەیرانوو ٢٠٢٤ هجووموو دوژمنینە بۆتانەنە گەشمەردە بی و لوا کارەوانوو نەمراو گەلەکەیشۆ.

دڵسۆزوو ئازادیی بێ و سەروو ڕاو سەرکەوتەیوە لوێ

ئاد قارەمانوو وەڵاتەکەیا، عاشقوو ئازادیین، دڵسۆزوو دۆزوو وەڵاتەکەیشا. پەی حەقیقەتی و ئازادی ڕاێوە هورمچنۆ، ڕاو کۆشیای، ڕاو ڕابەر ئاپۆی. دڵسۆز (ئاروین حوسەینی) وەرکەوتوو کوردستانینە. جە ژیوگێوی  نیشتمانپەروەرنە گەورە مبۆ و نامێ پەکەکەی چەنی نامێ وێش پێوە فێر مبۆ. زارۆڵەییوە مشتومڕ و پەرسی دژوو سیاسەتەکاو سیستەمیش لاوە وەشێ بانە. ئا ژیوایە کە ڕێژیموو ئێرانی ملوو خەڵکوو کوردستانی وەرکەوتیرە مسەپنۆش، قەت پێسەو چێوێوی ئاسایی نەدییەنش و قبووڵش نەکەرد. پەوکای بەردەوام شۆنەو ژیواێوی شوناسی و ئازادییرە گێڵان. ئامانجش ئانە بییەن کە بۆ بە ئەنداموو پەکەکەی. ساڵەو ٢٠١٨ میاوۆ یاگێ مەبەسی و ڕووەمنیۆ کەشە ئازادەکاو کوردستانیوە. ئەوەڵوو ڕاپیمایەکەیەنە، سەروو پەیمانەو ڕاسی و دڵسۆزی بە ڕابەر ئاپۆی و گەشمەردا، نامێ دڵسۆزی پەی وێش هورمچنۆ.   

دڵسۆز کە بە پەیوەندیی هامڕایی سەروو بنەماو فەداییبییەی تاواش سەروو سەختییەکاو ژیوایرە زاڵ بۆ، پرەنسیپوو هامڕایی سەروو بنەماو ڕابەر ئاپۆی منیۆرە و سەروو ئا بنەمێوە پەیوەندییەکاو وێش دەس پەنە مکەرۆ. بەردەوام وێش پەی هەلومەرجی سەخت و قورسی ئامادە کەرێ و جە ڕووەو سەروازی و ئایدۆلۆژییوە وێش پەروەردە مکەرۆ و پەرە بە وێش مدۆ. هەمیشە وەرمش ئانەبێ  بلۆ سەرنیشت. پەی بەروستەی وەشەسیاییش پەی کەشوو گاباری، شناسنامێ وێش فاڕا پەی گاباری. فرەو مەیدانەکاو هەرێموو قەندیلینە پێسەو گەریلای کۆشیان و تەرکیزش قووڵتەر کەردەنۆ تا بلۆ گابار. پەروەردەی تایبەتی تاکتیکیی گەریلای سەردەمیش دی و ڕووەش نیا مەنتێقەکاوسەرنیشتیوە، کە تامەزرۆش بێ. دڵسۆز گەل و جوگرافیاو بۆتانیش وەش ئسیێ. ماوێویی کوڵەنە زانیاری سەروو ئی مەنتێقەیە بەدەس مارۆ. جەنگوو دوژمنی ئەرەگیرکەرینە، بە یاونای مدرامانی و کۆشیایش بە بەرزترین ئاست هەرێموو بۆتانینە، دەور و هەرمانەی وە وەرەچەمش بێ و بی بە یۆ جە هەزاران قارەماناو وەڵاتەکەیش.

خاکوو کوردستانی بە هەڵوێستوو کامرانیوە شانازی و دڵوەشیی مکەرۆ

هامڕا کامران تەیرێ باز، نامێ هەقەتینەش، یڵماز سالا، ساڵەو ١٩٩٥ شاروو جۆلەمێرگینە بنەیانێوی وەڵاتپارێزننە پەیدا بییەن. چەنی کولتووروو کوردایەتی گەشە مکەرۆ و شێوەو وێش مفاڕۆ. شێوازوو پەروەردەکەردەیش تەنانەت زارۆڵاو داهاتوویشنە دیاری مکەرۆ. گەورەبییەی جە بنەیانێوی وەڵاتپارێزنینە دەرفەتێوی فرە خاس بێ پەی کامرانی. هەرپاسە دەرفەتێوا پەی فێربییەی و هەستکەردەی بەڕاسیی ئەرەگیرکاریی وڵاتەکەیش وتارێخوو مدرامانی و ئەرەپڕایەکاو گەلەکەیش.  تا ئا ڕاسییا بە سەرکەوتەی مانادار بکەرۆ، ڕووە جە ڕێبازوو کۆشیای ئاپۆیی مکەرۆ. ساڵەو ٢٠١٣  پەی ڕۆشنۆکەردەی  ڕوە تاریکەکا پەیوەندیی بە ڕیزەکاو گەریلایوە مکەرۆ. یوەم یاگێ سەقامگیریی تەیرێ باز زنجیرە کەشوو زاگرۆسیا. زاگرۆس، بە سەقامگیری و سەختییەکاشۆ، ئامیانوو هەرمانێ و ڕوە سەختەکاو کەسایەتییەکان. سڵام وەنەو  ژیوای شۆڕشگێڵنانەی زاگرۆسنە پەی کامرانی سەرەتایێوی تایبەت و بەنرخ بێ. پەوکای خوداوەندوو زاگرۆسی جە بێشکێ وێشەنە، بە ئەزموونۆ، تێر و تەسەل پەروەردەش مکەرۆ.

کامەران تەیرێ باز کە  وەڵێ ئامایشەنە پەی دلێ ڕیزەکاو گەریلای چێروو کاریگەریی پەیوەندیی هامڕایاو پەکەکەینە بێ، بە ڕۆح و هێزۆ جە گردوو هەرمانەکانە بەشداریی کەرێ. جە هەلومەرجی سەختوو هەرێموو جیلۆینە جەنگش کەردەن و ساڵەو ٢٠١٧ هجووموو ئەرەگیرکەرانە بریندار بییەن. دماو چارەسەری، دیسان بەردەوام مبۆوە جە جەنگەکا، ڕووە وەنەو  بەرەکاو جەنگی مکەرۆ و گردوو هەرێمەکانە گورزێوی قورس وەنەو دوژمنی مدۆ. ٢٠و حوزەیرانوو ٢٠٢٤ بۆتانەنە، تا دما فیشەکوو وێش وەروو هجووم و دوژمنی مگێرۆ و پێسەو کۆشەرێوی ئازا و دڵسۆزی لوا کارەوانوو گەشمەرداوە. گەشمەردە کامەران و قارەمانەکێش پێسە ئادی هەمیشە خاکوو کوردستانینە بیێنێ و دڵوو گەلەکەیشانە بە ڕێزدارییوە  یادێ مکریانێوە.

بروسک، چەکدار و کامەران و دڵسۆز بیێ بە ڕۆحوو چوار کۆشەرە مەزناو گەلەکەیما

زیندانوو ئامەدیچەنە، چوار کەسێ ئایروو مدرامانیشا جەسەشانە ورگیسنا و تاریکیی شەوێشا ماڕا. جە تەڤگەروو ئازادیی کوردستانینە بیێ بە پیمەرێ و خەتەو کۆشیای. ئی خەتێ بەژیوای فرەو قارەمانا و چەنەئامایا و پارێزێزنێ و تازێ کریێنیوە. ٢٠وو حوزەیرانوو ٢٠٢٤ ئی ڕۆحوو مدرامانی  بە نامێ  بروسک، چەکدار، کامران و دڵسۆزیوە بۆتانی ڕەسەنۆ ئەوەخوای مبۆوە وێش تازە مکەرۆوە. هەمان مدرامان و ئیرادە بەرز بیەنۆ، بە فیداییبییەیشا دوژمنشا ماڕا. ئی چوار قارەمانە ئازێ جارێوی تەر سەرکەوتەی ڕۆحی ڕووەبەڕووەبییەیوەشا مسۆگەر کەرد و بە نرخەو گیانوو وێشا ئی ڕاسییەشا سەلەمنا و پەی هەمیشەی لوێ کارەوانوو نەمراوە.

بە تیشکەو نامێ ئا قارەمانا ئازایانە، ڕاو ئازادیی کوردستانی ڕۆشنتەرە و گەشتەرە مبۆنە.