کوردیناسیۆنوو کەژەکەی سەبارەت بە ئەندامەو ئەرەمەرزنەرەو ڕێکوستەی ئەڎایاو پلازا دی مایۆی، نۆرا کۆرتیناس، کە شەوەو ٣٠ی ئایاری ٩٤ ساڵیینە کۆچی دماینش کەرد پەیامێەی سەرەوەشییش وەڵا کەردۆ.

پەیامەکەو کەژەکەی:  

"یوە جە ئەڎایا و ئەرەمەرزنەرا پلازا دی مایۆ، شۆڕشگێڵنە، سەرمەشقە و مدرامانکەرەو ژەنا، دۆسێ گەورێ گەلوو کوردی، ئەڎاما نۆرا کۆرتیناسە مەرڎە، ئێمە فرە خەمگینێنمێ پەیش. بە نامێ کوشتەی هومێدی و ئایندەو ئەرژەنتینیوە، بەینوو ساڵاو ١٩٧٦ پەی ١٩٨٣ نزیکەو ٣٠ هەزار شۆڕشگێڵنا و وەرهەڵێسکارا بێسەروشۆنێ کریێ. بە "دڵوو ئەدێوە، کە جە هەرساتێوەنە ئامادێ سەرەوردایەنە"، هەزاران ئەدێ ئەرژەنتینیێ ماوەو زیاتەر جە ٤٠ ساڵا سەرمەشقایەتیی کۆشیاێوی ناوازەیشا کەرد و میراتێوی گەورەو کۆشیایشا پێسەو ئەڎایا جیا ئاست، پێسەو ئەڎایا پلازا دی مایۆی جە لایەنی سیاسی و فەلسەفییوە و پێسەو جەنگەوانە هەقەتیناو ژەنێ بەشدارێ تارێخوو ژەنا بیێ. ئەڎایاو پلازا دی مایۆی و مدرامانوو ئەڎا نۆرای ڕۆحێوی گردگیر و ڕێبازوو کۆشیاێوی گەردوونیی خوڵقنا.

ئەڎا نۆرا کە  پەی ئەڎایاو شەممەی کوردستاننە و تورکیانە، بییە بە سەرچەمەو قەوەتی، هاموەخت گردوو جیهانینە چەنی ستەموەنەکاریایا بێ، هەرپاسە هایتیینە پاڵپەشتێوی گرنگش جە مدرامانوو گەزیی کەرد. ئەڎا نۆرا جە دڵوو گەلوو کوردینە یاگیوی فرە بەنرخەش بێ. تا داواو ئازادیی ڕابەر ئاپۆی بکەرۆ و زوڵم و ستەم دژ بە گەلوو کوردی مدرنا، دووێ جارێ سەرێ کوردستانیش دا و دماجار بییە بە یوە جە سەرمەشقەکاو  کەمپینوو 'ئازادیی پەی عەبدوڵا ئۆجالانی، چارەسەری سیاسیی پەی پەرسەو کوردی".

دمایین جار سەبارەت بە ئێمەی ژەناو کوردستانی واتش: 'ئێمە باوشی پەی ژەنە ئازایاو کوردستانی مکەرمێوە، وەسێن پەی کردەوەکاو فاشیزمی!' ئێمە ئەرەمیاونمێش کە قسەکێتا پێسەو میراتی و ڕاسیی کۆشیای جیهانیی ژەنا تا هەتا مەژگ و دڵمانە مەناوە. لای سەری گرد چێوێوە، یاواینەی بەردەواموو عەشقی تێکەڵ بە کۆشیای کە ئەڎا گەورێ و وێگیرەکێما تا دما هەناسە فێرێشا کەردێنمێ، پێسەو میراتێو مپارێزنمێش. یادوو ئەڎا نۆرای و ئا زانستەیە کە "ئێشی گەورەش سەبەبوو جەنگە گەورەکان" جە کۆشیای ئێمەنە بەردەوام  درێژەش مبۆنێ.  

پەرسە و سەرەوەشیی قووڵوو وێما ئاراستەو ئەڎایاە پلازا دی مایۆی و بنەیانە بەنرخەکەیش و گەلوو ئەرژەنتینی مکەرمێ  پەی مەرڎەی ئەڎا نۆرا کۆرتیناسێ. ئەڎا نۆرا ئەڎاو هەزاران شۆڕشگێڵناو کوردستانینە کەشەکاو کوردستانینە و زیندانەکانە و دڵمانە پەی هەمیشەی ممەنۆوە."