نەپەگە: ئێمە ٥١ەمین ساڵیاڎوو کۊشیایی ڕابەر ئاپۊی و ٤٥ەمین ساڵیاڎوو ئەرەمەرزنای پەکەکەی مەبارەک کەرمۍ. وەعد مدەیمۍ تا بەیاگەیاونای ئامانجوو سەرکەوتەی گەشمەرڎاما، سەروو خەتەو فیداکاریوە سەرەمڕ درێژە بە کۊشیایما بدەیمۍ.
فەرماندەو قەرارگەی ناوەندی پارێزنای گەل (نەپەگە)ی واتش: "٤٥ەمین ساڵیاڎوو ئەرەمەرزنای پارتیما پەکەکەی جە ڕابەر ئاپۊی، گەلی وەڵاتپارێزنی، بنەیانەو گەشمەرڎا، دۊساو وەشەسیایا پارتەکەیما، وەنەو گردوو هامڕایا و هامسۊزاو پارتەکەیما مەبارەک کەرمۍ.
ئەرەیاونایەکەو نەپەگەینە دا باسوو ئی چێوا کریان: "پەکەکە کە سەروو بنەماو خاوەنداریەتی جە ویرەوەرییەکاو هەڤاڵ حەقی قەراری ئەرەمەرزیا، ڕاسیی گەشمەرڎاش کەرد بە ئامیانوو مدرامانی و گرد ڕۊو مانگو ساڵێوە جە کۊشیایی ٤٥ ساڵەو پەکەکەینە گەشمەرڎۍ مدۊ و یاوان بە ئارۊی. پەوکای بە پەکەکەی وچیۊ پارتوو گەشمەرڎا. پارتەکەما نیم سەدەن بە سەرمەسقایەتیی گەشمەرڎاما ملۊ ڕاوە. ئێمە بە ڕێز و منەتەوە یاڎوو گەشمەرڎە کەرامەتدارەکاما، ئەرەمەرزنۍ و ساعیبۍ پەکەکەینۍ کەرمێوە و دەسنیشانش کەرمۍ، کە جە گردوو بوارەکاو ژیواینە و گرد بارودۊخێوەنە سەروو ڕاو گەشمەراماوە هەنگامۍ منیەیمێ".
ئەرەیاونای ڕسمیی قەرارگەی ناوەندیی نەپەگەینە ئینە وچیان:
پەکەکە و تەڤگەروو ئازاڎی کە لاو ڕابەر ئاپۊیۊ پێسە دیاریێوە گەورەی پێشکەشوو ئینسانیەتی کریۍ، ٤٥ەمین ساڵیاڎوو وێش مەبارەک کەرۊ و ملۊ دلۍ ٤٦ەمین ساڵەو کۊشیایۊ. پەکەکە پەی گەلوو کوردستانی واوەی پەیدابییەین و بییەن بە هومێدێوە پەی گردوو گەلە چەوسیاوا و گەلەکەماش ڕزگار کەرد جە کوشتەی و دلێنەشییەی. ئا گەلە کە یاوابۍ یاگێوە، کە نکۊڵی جە ناسنامەو وێش کەرۍ، بە کۊشیایی تارێخییی ڕابەر ئاپۊی واوەی پەیدا بییۊ و بیبە ڕاسیی گەلێوە، کە بە سەرەورڎای گنۊ وەڵۍ و بەرەو سەرکەوتەی هەنگامۍ منیۊ. گەشمەرڎە نەمرەکێما چا بارودۊخە هەرە قورسانە و یاگە هەرە سەختەکانە بە شێوازوو فیدای خاوەندارییشا جە پارتەکەیما کەرد و پارتەکەشا پارێزنا. مدرامانی تارێخی پەکەکەی کە گەشمەرڎە نەمرەکاما خولقنان، سنوورەکاو کوردستانیشویەرنێنۍ و بییەن هومێدوو ئایندەو گردوو گەلە چەوسیاوا.
گەریلاکاو ئازاڎیی کوردستانی سەروو خەتەو سەرکەوتەی پارتیماوە بۍ دووەدڵی بەرڎەوامێنێ
ڕۊحوو مدرامانی و سەرکەوتەی پارتیما پەکەکە جە کەسایەتیی گەریلاکاو ئازاڎیی کوردستانینە و گەلەکەیمانە ڕەنگەش دێنۊ. کۊشیایی گەریلاکاو ئازاڎیی کوردستانی تەسلیمووئەرەگیرا نەبییەن و نوێنەرایەتیی میراتوو مدرامانوو پەکەکەی ئینا بەرزتەرین ئاستەنە و سەروو خەتەو گەشمەرڎاوە بییەن.ئا هجوومۍ دەوڵەتی ئەرەگیروو تورکی بە هامکاریی هێزە هامبەشەکاو و بە هامکاریی تەکنۊلۊژیای کە کریا، بەپێچەوانەوە وەراوەروو پەکەکەیوە ئەنجامشا بەدەس نارڎەن. گەریلاکاو ئازاڎی کوردستانی بە ڕۊحی کۊشەرانەو هامڕا هەمیشە زیندەکا، کە بە مدرامانیشا زیندانوو ئامەدینە سەرۍ کەوتۍ، هێزوو ئیرادەو پەکەکەیشا نیشانەو گردوو ستەمکاراو جیهانی دا. گەریلاکاو ئازاڎیی کوردستانی دژوو هجوومەکاو دەوڵەتی تاوانکار و جەنگوازوو تورکی، کە بە تەقەمەنیی قەدەغەکریا، گازی کیمیاوی، بۊمبی ئەتۊمیی تاکتیکی، کەرێشا، بە ڕۊحوو سەرکەوتەی پەکەکەی، شکۊتەرین مدرامانش تاریخەنە کەرد. گەریلاکاو ئازاڎیی کوردستانی ئەوەڵ زاپنە، مەتینا و ئاڤاشیننە هەرێمەکاو پارێزنای میدیاینە تا سەرنیشتوو کوردستانی بە ڕۊحوو مدرامانوو پەکەکەیوە، کە ڕابەر ئاپۊی بنیات نیان و بە ئامانجوو ئایندێوە ئازاڎی پەی گەلەکەیما ئینۍ سەروو خەتەو سەرکەوتەیۊ. پارتیما قەرارش دان، کە بەبۍ دووەدڵی بەرەو وەڵۍ بلۊ.
میراتوو کۊشیای پارتیما پەکەکە کە بە حەقی قەرارا و مدرامانوو زیندانوو ئامەدی ئەرەمەرزیا، فەرماندە عەگیدانا و بێریتانا درێژەش بی و بە گیانبازیی زیلانا قووڵتەر بیۊ. هامڕێما لەیلا ئامەد، یاشار بۊتان، ئاخین موش گابار، دەلیلا گۊیی، سلا فاڕاشین، ڕۊناهی پەنابەر، کۊچەر دۊغان، ڕاپەڕین بۊتان، فیراز زیلان، عەگید جودی، ئاسیا کانیرەش، ئازاڎ شەڕگەر، ڕۊژبین دێرسیم، هەژار زۊزان، جانشێر ماکو، دڵشێر چیاڕەش .، عەلی شێر ئینتیکام، خەمگین سەرحەد، ڕێدور سیسەر، ئەرڎەم ئارارات، دڵگەش زیلان گوزەرەش، دێڤریم گارزان، دەستان بۊتان، دیجلە ئایلەم، بێریتان سیسەر، ڕۊژدا ماهیر، ئالا مونزۊر دەمان، ماهیر باشکالە، ڕۊزەرین شەمزینان، دۊگا ڤیان، ئاندۊک عادل، جوان وەلات ، بۊتان ڕاپەڕین و عەگید کۊبانۍ، کە سەروو خەتەو گەشمەرڎاوە کۊشیۍ، جارێوە تەر بە نوێنەرایەتیی میراتوو کۊشیای گەشمەرڎە هەمیشە زینداما، ڕۊحی تێکنەشیەو پەکەکەیشا سەلەمنا. کۊشیایما بە ڕۊژهات زیلانی و ئەرڎاڵ شاهینی کە گورزی قورسشا وەنەو دڵی تاریکوو دوژمنیوە نیا، بە هەزاران جەنگاوەرۍ ئاپۊیی کە داراو ڕۊحوو پەکەکەی بێنۍ ئامۍ مەیدانەکەوە، هێزەکاو پارێزنای گەلوو کوردستانی، کە سەروو خەتەو گەشمەرڎاوە بەرڎەوامێنۍ و جیا جە شێوازوو ژیوای ئاپۊیی سازش مەکەرا، بەدڵنیاییوە کۊشیای گەلەکەیما بەرەو ئازاڎی و سەرکەوتەی بەرا.
سەروو ئا بنەمۍ ٥١ــەمین ساڵوەگێڵوو کۊشیای ڕابەر ئاپۊی و ٤٥ ساڵەو ئەرەمەرزنای پارتیما پەکەکەی مەبارەک کەرمۍ و وەعد مدەیمۍ تا ئامانجوو سەرکەوتەی گەشمەرڎە نەمرەکاما دەس نەوزمۍ، جە کۊشیایی سەرەمڕی سەروو خەتەو فیداییبییەی گەشمەرڎاماوە بەرڎەوامۍ بیمۍ و هومێدوو سەرکەوتەی پەی گردوو ئا کەسا موازمۍ، کە ساڵەی تازۍ کۊشیاینە دڵشا پەی پەکەکەی مدۊ وەنە و سەرکەوتەی گەورەشا گەرەکا."
