کوردیناسیۆنوو پارتوو ئازاڎیی ژەناو کوردسانی (پاژک) جە ماڵپەڕوو ۋېشەنە ئەرەیاۋنېوەش وەڵاکەرڎۆ و چنەشەنە ئەرەمەرزناو پەکەکەیش  مبارەک کەرڎ، بە تایبەتی داواش جە گەنجاو کوردسانی کەرڎ بەشڎارۍ ڕیزەکاو پەکەکەی با.

ئەرەیاۋناکەو پاژکی پی جۊرەنە؛

"جە کەسایەتی کادیرە سەرمەشقەکاو پارتیمانە، ساکینە جانسزە، مەزڵوم دۆغان، کەمال پیر، م. خەیری دورموش و هامڕایا ئی ڕێبازەیە، ڕۆژهات زیلان، ئەرداڵ شاهین، چنی ئاخین موش، لەیلا ئامەڎۍ، دیجلە ئەیلەمۍ جە ئامەڎ و بۆتان و سەرحەد و مێردین، زاپ، ئاڤاشین و مەتینانە ئازایانە ۋەران ۋەر بە دوژمنی مدرامانشا کەرڎ و گەشمەرڎۍ بیۍ، چنی گرڎوو گەشمەرڎا ئاخېزی  بە حورمەت و منەتبارییوە ۋیرمارمېوە. ٤٥ ەمین ساڵیاڎوو ئەرەمەرزناو پارتیما جە ڕابەر ئاپۆی، هەڤاڵاو پەکەکەی-پاژکیما کە زینڎانەکانە مدرامان کەرا، جە کەشەکانە جەنگ کەرا، جە ژەنا کۊششکەری، گەلە وېڕاگرەکەیما و گرڎوو مرۆڤایەتی، مبارەک کەرمۍ.

ڕابەر ئاپۆ جە سەرەتاوە پرۆسەو بە پارتی بیەیش هۊرگېڵناوە پۍ پڕۆسەو ئازاڎیی ژەنا و گەلەکەیما، هێزوو ۋېپارێزنایش بە ژەنا بەخشا و جە ڕاو پارتەکەیۆ ۋېش چالاک و ڕێکوستەیتەر کەرڎ. ڕابەر ئاپۆ، جە ڕاو پەکەکەیۆ، گەلوو کوردی کە تاڵان کریۍ، پاسەش پنەکەرڎ کە بۆ بە خۊتان ئیراڎە، خەتەو 'ژەنی، ژیای، ئازاڎی'یش وەشکەرڎ. ژەناو کوردی بە کۊشیای پەکەکەی لووۍ دلۍ ئاخېزی، دەرفەتوو کۊشیای دژ بە کۆیلایەتیشا پۍ گونجیا و بیۍ بە پاژک. پاژک، پېسە خەتەو ئازاڎیی و یەکسانی پەکەکەی وەش بی. پاژک، عەقڵییەت و کەسایەتی ژەنۍ و پیای ئازاڎیا. پاژک، ڕۆحوو پەکەکەیا. هەر ژەنێوە پاژکی سەرمەشقۍ پەکەکەینە. کەسایەتیېوەن بۆ بە بنەماو ئەرەمەرزناو گلېرگېوە تازەی، جە ڕاو جەنگاوەری پارتیماوە وەش کریۍ.

پەکەکە پېسە ڕاسیېوە گۊرەی، پارتوو کەرامەتوو مرۆڤایەتییا. پېسە تەڤگەرېوە شۆڕشگێڵنی، دینامیکی و فاڕیاتەرین تەڤگەروو سەڎەو ٢١ ییا، بەردەوام بیەن بە هیواو ڕزگاری گەلاو ۋەرکەوتوو دلېڕاسەی. پەکەکە بە پارادایموو دیموکراتیکی، ئیکۆلۆژی و ئازاڎیی ژەنا بیەن سەرچەمەو ئیسفاڎەی پۍ گرڎوو مرۆڤایەتی، پەکەکە بە عەقڵوو نەتەوەی دیموکراسی دژ بە ڕێکوستە دەوڵەتپارێزەکا، عەقڵیەتوو ناسیۆنالیزمی نوێنەرایەتی چارەسەری ئاشتیانە و ژیۋای دیموکراتیکی کەرۆ. پەکەکە بە ڕوانگەو ژنۆلۆژییوە، جە دژوو عەقڵییەت و کولتووری پیا سالاری گەورەتەرین تەڤگەروو ئازاڎیی خۊتان ئیدعاو ژەنان. دژوو سیستموو مۆدێرنیتەی سەرمایەداری، پارتیما پەکەکە تاکە هێزا کە مۆدێرنیتەو دیموکراتیکیش ڕێکوستەی کەرڎەن. ئێمە بە ئیراڎە و ورېوە بەرزۊ ٤٦ ـەمین ساڵیاڎوو کۊشیای پەکەکەی مبارەک کەرمۍ.

هجومە کۆکوشییەکاو دەوڵەتوو فاشیستی ئاکەپە – مەهەپەی کە بە پەشتیوانی و خیانەتوو پەدەکەیۆ کریېنۍ، بە کۊشیای گەریلای و گەلەکەیما دلېنەبریا. پلانەکاو بێ کاریگەرکەرڎەی تەڤگەری کۆمەڵایەتی پەکەکەی مەحکوموو شکسیا. دژوو جەنگوو کۆکوشی ئەردۆغانی فاشیستی، ژەنا، گەنجاو و گەلوو کوردسانی بە سەرمەشقایەتی پەکەکە-پاژکی هۊرمېزا و ساڵەو ٢٠٢٤ ی کەرا بە ساڵەو ئازاڎیی ڕابەری.

ئێمە داوا جە گەنجاو کوردسانی کەرمۍ کە بەشڎارۍ ڕیزەکاو ئازاڎیی پەکەکەی با، دژوو سیستموو سەرمایەداری ئاخېزېوە گۊرە دەس پنەکەرا و هەتا ئازاڎیی، ژیۋای جە مەرڎەی پارېزنا."