ئەندامو کۊنسەو فەرماندەیی هەپەگەی، پڵنگ مەلەتی، وەشامایش جە مدرامانو زیندانییاو پەکەکەی و پاژکی کەرد، کە چالاکیی مانگێرتەیشا جە واردەی دەس پەنە کەردەن و واتش:" پەی پەکەکەی یاگۍ گرنگە نییەنە، پەکەکە لە حەریاگێنە بۊ چا مدرامان هەن."
ئەندامو کۊنسەو فەرماندەیی هەپەگەی، پڵنگ مەلەتی، چەنی ڕادوێنو دەنگو گەلی قسێش کەردۍ و جە بەشو کرد ٢ۍ چەمپەنەکەوتەکەینە جەنگو هەرێمەکاو پاریزنای مەدیای و مدرامانو گەریلایش ورسەنگنا.
پڵنگ مەلەتی سڵامش وەنەو مدرامانو گەریلاکا کەرد و بە ڕێزۊ ئا هامڕێشە یادۍ کەردێوە، کە مدرامانەکانە گەشمەردۍ بیێنی و واتش، کە هەرێمەکاو پارێزنای مەدیاینە بەدیلێوە گەورە دریان. پڵنگ مەلەتی ئاماژەش کەرد، ئا فرەو وەڵاتانە جەنگ ڕووە مدۊ و زیاتەر گەلۍ بندەسۍ زەرەرشا پەنە یاوۊ. حەر پەوکای بە گردوو قوەیوە هجوومۍ کەرا. بێگومان گەورەتەرین جەنگ وەرکەوتوو دلێڕاسەینە قۊمیۊ. بەتایبەتی دەوڵەتو تورکی بە مەبەستوو درێژەدای بە دەسەڵاتیش و سیاسەتو هێزە میاندەوڵەتییەکا جە وەرکەوتوو دلێڕاسەینە هجوم کەرۊ. دەوڵەتو تورکی وێش سەرو ئی بنەمیوە ئاستەنۊ. جە ئەوەڵوو ئەرەمەرزنای کۊماریوە، بەردەوام بە کودەتا دژو داواکارییەکاو گلێرگای پەی ئازادی جوابش دانۊ. ئانە کە چێگە گەورەتەرین وەلیکەوتەیش دەس وستەن و گەورەترین ئامانجش دەس وستەن، جمیەروو پەکەکەین. حەر پەوکای دەوڵەتاو سەرمایەداری، جە ڕاو دەوڵەتو تورکیوە، گەورەتەرین هجومۍ دژو پەکەکەی کەرا.
پەکەکە ئەوەڵوو ئەرەمەرزنایشۊ، ڕووبەڕوو هجوومە گەورا بیەنۊ. حەر وەروو ئینەیە زلهێزە دەسەڵاتدارەکۍ گرد فرسەتێوەشا بە دەوڵەتو تورکی دان. گەریلا مدرامانی بێوێنەش وەراوەروو ئی هجوومانە نیشانە دان. پەکەکە بە هێز و دەسەڵاتدارەکاش وات، ئەگەر شمە وەڵۍ ژیوای ئێمەنە پێسە گەلا ئازادی گێردۍ، ئانە ئێمە ژیوای تازە بنیات منیەیمۍ.کۊشیای پەکەکەی پەی ئینەینە، پەوکای وەرپەرسبییەی تارێخییما هەن سەرۊ. ئارۊ جمیەرەکەما پەی ئینسانیەتی کۊشۊ، سەروو ئی بنەمێوە کەشەکاو کوردسانێوە خەریکوو کۊشیاین.
دەوڵەتو تورکی ئەگەر بە چەکی کیمیاوییچ هجوومۍ کەرۊ، بەپێچەوانەی ئیرادەی قەوەتوو گەریلاکاوە ئەنجامۍ دەس مەوزۊ. گەریلا چالاکیی قەوەت و کاریگەر دژوو دوژمنی کەرۊ. گەریلا و گەل پێوە جەنگ کەرا، پەوکای بە جەنگو گەلی شۊڕشگێڵنی نامێش بەرمۍ. گەریلا بە پاو بەرژەوەندی و پێویسیی گەلی جەنگ کەرۊ. دوژمن مشۊم خاس ئینەیە بزانۊ، کە بە هجوومۍ نمەتاوۊ پەکەکەی دلێنە بەرۊ. هێزو پەکەکەی تەنیا کەشەکاو کوردستانینە سنوردار نەبییەن، بەڵکوم پەکەکە جمیەریوەن سەروو بنەماو فکر و فەلسەفەو ڕابەر ئاپۊی ئەرەمەرزیان و هومێد بە گەلە بندەسا میاونۊ.
زیندان یپ چا مەیدانانە کە گەورەتەرین کۊشیایش چەنە کریۊ
ئەندامو کۊنسەو فەرماندەیی هەپەگەی، پڵنگ مەلەتی، مانگێرتەی جە واردەی زیندانییاو پەکەکەی و پاژکی، کە پەی ئازادیی جەستەیی عەبدوڵا ئۊجالانی دەسش پەنە کەردەن، یاد وستۊ و واتش:"زیندان یۊن چا مەیدانا کە تاریخوو پەکەکەینە کە کۊشانی گەورەش چەنە کریان. مدرامانێوە کە زیندانو ئامەدینە لاو هامڕایا مەزڵوم، خەیری و کەمالایوە دەسش پەنە کەرد، ئارۊیچ بەردەوامییش هەن. پەکەکە زیندانەنە گەورەتەرین گورزش وەنەو دوژمنی دان، پەوکای مانگێرتەی جە واردەی کە زیندانییاو پەکەکەی و پاژکی دەسشا پەنە کەردەن فرە مانادارا. زیندانییۍ تا ئارۊ ڕووبەڕوو هجومی فرەی و بەدیلی قورسی بیێنۍ، وەلۍ هەنگامێوەشا بەرەو دما ناردێنۊ، ئینەیچ سەلەمنەروو ڕاسیی ئیرادەو زیندانییاو پەکەکەی و پاژکین.
پەی پەکەکەی یاگۍ گرنگە نییەنە، بەڵکوم پەکەکە حەر یاگێنە بۊ مدرامان هەن."پەکەکە زیندانەکانە هێزێوە دینامیکیی گەورەن. ئی دینامیکە هێز و ئیرادەش پەی فاڕای پرۊسەو ئیساتۍ هەن، دوژمنیچ هاگادارا و پی تەرسێوە نزیک بۊوە. ئەشکەنجەدای ئیمرالی و زیندانەکای تەرنە سەروو ئی تەرسێوە دەسش پەنە کەردەن، سڵامما ئاراستەو هامرایاو زیندانی کەرمۍ، کە مانیشا جە واردەی گێرتێنە و هومێدو سەرکەوتەیشا پەی موازمۍ، چالاکییەکۍ قەت بێئەنجامۍ مەبا، ئامانجو گەریلای، ئانەنە هامڕایاو زیندانیما و گەلەکەما ئازادیی جەستەیی ڕابەر ئاپۊی مسۊگەر کەرا، سەروو ئی بنەمێوە کۊشیا.
پەکەکە ٤٥ ساڵێن تا بیاوۊ ئامانجەکەیش کۊشیان و فرە بەدیلێش دێنۍ. جمیەرەکەما و ڕابەراتیما گرد فرسەتێوەشا پەی ژیواێوە ئازادی سەروو یۊی کۊ کەردەنۊ. سەروو ئا بنەمێوە درێژە بە کۊشیایما مدەیمۍ. ئەگەر تەنیا یەک جەنگاوەرو ئی جمیەرەیە منەبۊ، تا ئاخر سەروو ڕێبازو ڕابەر ئاپۊیۊ پەی یاوای بە ئامانجەکاو پەکەکەی کۊشیەیمۍ.
