پەرلەمانتاراو دەم پارتی سەروو پردەو بۆگازیچیوە نیایرەی قەیومیشا شەرمەزار کەرد
پەڕلەمانتاراو دەم پارتی ئەستەنبولنە پەی شەرمەزارکەردەی سەپنای قەیومی جۆلەمێرگنە سەروو پردەو بۆگازیچیوە چالاکی سەرەنجکێششا کەرد.
شەرمەزارکەردەی قەیومی
هامقسەکەروو کۆنگرەی دیموکراتیکوو گەلا (هەدەکە) جەنگیز چیچەک و پەرلەمانتاراو ئەستەنبولوو دەم پارتی کەزبان کۆنووکچوو و جەلال فرات بە ئامانجوو شەرمەزارکەردەی نیایرەی قەیومی سەروو شارەوانیی جۆلەمێرگیوە پانکارتوو "گوم بە قەیوم"یشا پردەو بۆگازیچییوە ورواست.
چیچەک: کودەتاچی مدۆڕیۆ
پەرلەمانتارێ دماو ورواستەی پانکارتا پردەکەێرە هامقسەکەرەو هەدەکەی چیچەکە ئەوەڵ واتش: "گەزیوە تا کۆبانێ ئەستەنبوڵۆ تا جۆلەمێرگ کودەتاچیێ مدۆڕیانێ. سەرکەوتەی پەی گەلاو کوردستانی و تورکیاین. سەرێمگنمێن."
کۆنووکچوو: پێویسا پێوە دژوو عەقڵێتوو قەیومی بمردمێوە
پەرلەمانتارو دەم پارتی کەزبان کۆنووکچوو ئاماژەش دا ڕا نمەدەیمێ ئیرادەو گەلوو کوردی پاشێل بکریۆ و داواش وەنەو گردوو دیموکراتیکوازا کەردە، دژوو عەقڵێتوو قەیومی پێوە مدرامان بکەرا.
دمایی پەرلەمانتاروو دەم پارتی جەلال فرات واتش: "شمەندێ کە ماچدێ 'سەرەوەری بێ شەرت و مەرجوو گەلی' قەیومیچ مسەپندێ سەروو ئیرادەو گەلیرە. گەر سەروەری گەلی بۆ، بەدڵنیاییوە پێویسا ڕێز وەنەو ئیرادەو گەلی بگێردێ. سەرکەوتەی پەی ئێمەن."
