پرۆژەو 'ڕوانوو شانۆی' کە جە تەرەفوو تەڤگەرو چاندی و هونەری دیموکراتیکی میزۆپۆتامیای (تەڤ-چاند)ی، تەڤگەرو چاندوو ژەنەو مانگۍ زێڕینۍ و کۆمیتەو زاوڵا شلێر پاری پېوەرە پەی خزمەتوو پەرەوەردەکەردەی زاوڵا جە بوارەکا هونەری و شانۆینە بەراش ڕاوە.

پرۆژەکە بە شێوەو کارو گرووپین، گرووپێوەشا جە شارەکاو ڕمێلانی و دێرکینە جە سەرنیشتوو ۋەرکەوتوو سوریای و جە کامپوو نەورۆزینە چالاکیشا کەرد. حەرپاسە جە کانتۆنوو شەهبای و عەفرینی ١٢ گرووپۍ شانۆیۍ زاوڵا ئەرەمەرزیېنۍ پەی پەروەرەدەکەردەی زاوڵا.

ئی پرۆژە دماو دمایی ئامای وەختوو ۋەننگەکا مکریۊوە، کە گنۆ فەسڵوو هامنیۆ، ساڵەو پاری تەنیا جە چوارچێوەو ئەرەمەرزناو گرووپی شانۆی و پەرەوەردەی شانۆینە کارەکاش بەرۍ ڕاوە، بەڵام ئېساڵ کار و چالاکی مۆزیقایچ و تەماشکەردەی فیلمیچ پېسە پەرەوەردەکەردەی بەرانۍ ڕاوە.