جە چوارچێوەو کۊششەکا یۊبیەی نەتەوەیی کوردی و یەکڕیزی بەینو لایەنە سیاسییەکا بەتایبەت جە ۋەرکۊتوو کوردەسانی، شاندو کۆنگرەو نەتەوەیی کوردەسانی (کەنەکە) سەرش ۋنەو جەمەو زەحمەتکێشانو کوردەسانی و جەمەو شۆڕشگێڵنو زەحمەتکێشانو کوردەسانو ئێرانی دا.

شاندو کەنەکەی سەرش ۋنەو پارتو جەمەو زەحمەتکێشانو کوردەسانی و جەمەو شۆڕشگێڵنی زەحمەتکێشانو کوردەسانو ئێرانی دا.

شاندو کۆنگرەو نەتەوەیی کوردەسانی، پێکئامابې جە زەینەب مسەفې، د. شێرکۆ حەمە ئەمین، د. حەکیم عەبدولکەریم، نەسرین ئەحمەدې، شۆڕش خدری و جە لایەنو سەراو جەمەو زەحمەتکێشانو کوردەسانی و جەمەو شۆڕشگێڵنو زەحمەتکێشانو کوردەسانو ئێرانـیوە پێشوازیشا ۋنە کریا.

گلېرۊبیەکەی بە مەبەسو گفتوگۆکەردەی بې، سەرو ئاژەو سیاسی و پێشئامایە گەرمەکا جە ۋەرکۊتوو مېیامینی  بە گرڎی و بەهێزکەردەی یۊبیەی نەتەوەیی و وەشکەردەی کۆدەنگی  پارت و لایەنە سیاسییەکا ۋەرکۊتوو کوردەسانی جە ۋەرا ۋەرو ئەگەر و پێشئامایە سیاسییەکا جە ناوچەکەنە.