بۆشایی ئەمنیی دماو گێرتەی دەسو دەسەڵاتی جە لایەنو هەتەشە (دەسەو تەحریر شام)یوە، ڕێژەو بڕفانای ژەنا، بەتایبەت زاوڵې کناچې عەلەویې زیاڎشا کەردەن. بەپاو ئا ئەوەکۊڵیایا جە لایەنو ڕۆیتەرزیوە ئەنجامدریېنې، ئېساڵ لاو کەمیۆ ٣٣ ژەنی و کناچې جە ناوچە عەلەوی‌ نشینەکا پېسە لازقیە، تەرتوس و حەمای بڕفانیێنې یان بێسەروشۊنې کریېنې.

سەرانە و هەڕەشې

 یۊ چا کەسا بڕفانیان، عابیر سولەیمانی ٢٩ ساڵا، کە جە ٢١و نیسانی جە تەرتوسەنە بڕفانیان. پەیامێوە جە ڕاو واتسئەپیوە پەی بنەیانەکەیش کیانیان، چنەشەنە ئامان، "ئاڎ نمەگێڵۊوە." ئەوانې بڕفانانشا داواو ١٥ هەزار دۆلارا سەرانەیشا کەردەن و واتەنشا، "ئەر بنەیانەکەش ئا زەڕەشا پەی نەکیانۆ، ئاڎې عابیری کوشا یانیچ پېسە کۆیلەی ورەشانەش." پا مەڵامەتۆ بنەیانەکەش ئا زەڕەی داواشا کەردەبې سەرو هەژمارێوە بانکیۊ جە ئیزمیرەنە وسنانشا. بەڵام دماو وسنای زەڕەکەی گرڎ ڕێوە پەیوەندیکەردەی پا کەساوە مردۆنە. گومان مکریۆ کە عابیر بریا بۆ پەی جبەرو سوریای، چانەینە بریا بۆ پەی عێراقی.

ژەنی تەمەن ١٦پەی ٣٩ ساڵی مکریا ئامانج

جە کۆو ٣٣ حاڵەتا کە جە لایەنو ڕۆیتەرزیوە تۆمارکریێنې، ١٦شا بەوردی ئەوەکۊڵیایشا چنە کریان. جە ٧ حاڵەتێنە بە ئاشکرا داواو سەرانەی کریان، یەرې ژەنې ئاماژەشا پانەی کەرڎەن کە ئاڎێشا بەردێنە جبەرو وڵاتی و ئاژەو ٩ کەسا نمەزانیۆ. ٨ ئینې چێرو تەمەنی ١٨ ساڵیوە.

ۋەرپەرسا بێدەنگېنې

بنەیانەکۍ بەمەلامەتو خەمساردی هێزەکاو سەر بە هەتەشەیۆ ناڕەزایی بەربڕا. ۋەرپەرسا بڕفانای بە "مەڵامەتی تایبەت"ۆ بیناوە بەڵام بەڵگەشا نەوستەن ڕووە. ئا کۆمیتەی کە جە مانگۊو ئادارینە ئەرەمەرزیان، سەبارەت بە گومبیەکا حیچ قسێوەش نەکەردێنە.

بڕفانای بە ڕۆی ڕۊشن

ڕووەدایەکې بەگرڎیی جە ڕۊنە ڕووە مڎا. کناچێوە ١٧ ساڵە جە کاتو لوایشەنە پەی ۋەننگەی بڕفانیا؛ بنەیانەکەش پەیامێوە هەڕەشەئامێزشا لایاوا. خازاما نائیفەی ٣٥ ساڵە دماو پنەدای سەرانەی ئازاڎە کریا بەڵام بە ئاژێوە سەختەرە ۋېیەردێنە.

چالاکا مافەکا مرۆڤی ماچا، جە مانگەو ئاداریوە بڕفانای زیاڎش کەردەن. بنەیانەکې تەربوس، لازقیە و حەمای نمەیارا کناچەکاشا بکیانە ۋەننگە. ڕووەدایەکې گومانە سەرو بیەو هەڕەشېوە پلان پەی مجیایرەی و سیستماتیکی سەرو گلېرگەی عەلەوی زیاڎ مکەرا.