ستراسبۆرگەنە گۆشەگیری ئیمراڵی و بەکارئاردەی چەکی قەڎەغەکریای جە دژوو گەریلاکاو ئازاڎیی و دەس سەرەرەگېرتەی ئیرادەی شەرمەزارکریا و وچیا: "پێویسا هەر کەسۍ دژوو تاوانەکاو قڕکەردەی دەوڵەتوو تورکی مردۊوە".
شارو ستراسبۆرگوو فەرەنساینە گۆشەگیری ئیمراڵی و بەکارئارڎەی چەکی قەڎەغەکریای جە دژوو گەریلاکاو ئازاڎیی و دەس سەرەرەگېرتەی ئیرادەی شەرمەزارکریا.
جە چالاکییەکەنە ۋێنەو ڕابەروو گەلو کوردی عەبدوڵا ئۆجالانی و لافیتۍ و درووشمەکۍ بەرزۍ کریېوە.
هامسەرۆکوو ناوەندوو گلېرگەو کوردی ستراسبۆرگی سیدار ئامێدی ئەرەیاۋناش دەوڵەتوو تورکی تاوانەی فرێش دژوو گەلو کوردی و ڕابەروو گەلو کوردی عەبدوڵا ئۆجالانی کەردېنە، چەکی ئەتۆمی تاکتیکی و کیمیاویی کە قەڎەغەکریېنۍ دژوو گەریلای بەکارشامارۆ، بێدەنگی وڵاتاش وەرا ۋەر پی تاوانا شەرمەزار کەرد و واتش: "بەڵام با گرڎ کەسێ بزانۆ گەلو کوردی تا ئازاڎیی ڕابەرایەتییەکەیش جە گرڎ شۊنېنە درێژە بە ئەرەکۊشای مڎۆ. چونکی بێ ئازاڎیی ڕابەرایەتی، ئازاڎیی گەلو کوردیچ نامومکینە".
ئامێدی داواو بەشداری کەردەیش جە چالاکییە جەماوەرییەکەو ٢٥ و حوزەیرانی پەی ساڵیاڎوو ئێشکگیری ئازاڎیی جە ستراسبۆرگەنە کەردە.
هەر جە درێژەو چالاکییەکەینە گۆشەگیری ڕەهاو ئیمراڵی و بێدەنگیی میان نەتەوەیی شەرمەزار کریا و وچیا: "جە کەسایەتی ڕابەر ئاپۆینە قڕکەردەی دژوو گەلو کوردی ئەنجام مڎریۆ. پێویسا گرڎ کەسێ دژوو ئی تاوانۍ ئەرەپڕۆ و دیموکراسی پارېزنۆ".
هەر جە درێژەو چالاکییەکەینە هجووم و گرووپە فاشیستەکا پەی سەرو چالاکیی ئێشکگیری ئازاڎیی شەرمەزارکریا
چالاکییەکە بە بەرزکەردەیۆ درووشـمۍ دمایش ئاما.
