ئەندامەو کۆنسەو سەرۆکایەتیی گردینوو کەجەکەی سۆزدار ئاڤێستا پەی کەناڵوو ژەن تیڤی قسێش کەردێ و سەرنجەش وستە سەروو گرنگیی وێپارێزنای پەی ژەنا. سۆزدارە ئاماژەش دا کە ژەنی دلێ گلێرگەینە پەنەوازییێوی فرەشا بە وێپارێزنای هەن.
ئەندامەو کۆنسەو سەرۆکایەتیی گردینوو کەجەکەی سۆزدار ئاڤێستا بەشدارییش بەرنامەو خۆبوونوو ژەن تیڤی-ینە کەرد.
سۆزدار ئاڤێستا جە کەسێتیی گەریلاکاو یەژا ستارینە سڵامش وەنەو گەریلاکاو ئازادیی کوردستانی کەرد و واتش: "مدرامانە فیدایی و داستان ئامێزەکا مەبارەک مکەروو. جە کەسێتیی ژەنە گەشمەردانە، گەشمەرداو کۆشیایی ئازادیی یاد مکەرمێوە."
سۆزدار ئاڤێستا سەروو مژاروو 'چی ژەنی و گەریلا، چی ژەنی بەشداریی دلێ گەریلای بیێ، ژەنی و جەنگ چی، ژەنی و سوپا پەی چێشی' کەردێ و ئا بابەتێشە ورێسەنگنێ.
'ژەنی بە عەشقوو ئازادییوە بەشدارێ بانێ'
" شانکەردیینە چەک لاو ژەنێوی کوردێ گەنجێوە نیشانەدەروو دڵسۆزبییەن بە ئامانجوو ئازادی. ژەنی بە عەشقوو ئازادی و دڵسۆزییوە بەشدارێ دلێ کۆشیای بانێ.
ئێمە تارێخوو ژەنێ جە حەقیقەتوو ڕابەر ئاپۆینە شرۆڤە مکەرمێ. دلێ تەڤگەریمانە متاومێ ژەنی بە ڕێبازوو ڕابەر ئاپۆی، بە پەیوەندیی گەریلاکاو کوردستانی پێناسە بکەرمێ. جە ئەوەڵوو کۆشیایی ئازادیینە ژەنی بەشدارێ کارە ستراتیژیکییەکا بێنێ. ڕابەر ئاپۆ پێسە ژەنیش بەشدار بە کۆشیایی ئازادیی کەردە. ژەنی بەشدارەو ئەرەمەرزنای پارتیی بێ.
بەشداربییەی ژەنێ دلێ خەتەو گەریلاینە ئاستوو ئا شۆڕشەینە:
کوردستاننە و وەرکەوتوو دلیڕاسەینە ژەنی دلێ چوار دیوارانە ئازیێبێوە، پیمانە و مەرجەکاو کۆیلایەتی و خێڵگەرایی سەروو بنەیانەی و ژەنێرە فرە بە تندی یاویێنێ یاگێ. دەسەڵاتداریی دیکتاتۆریەت سیستموو وێش سەروو بەکۆیلەکەردەی ژەنێوە ئەرەمەرزنا. بێگومان ئی دەرنجاماو ئا دەسەڵاتدارییە کوردستاننە بە کاریگەرتەرێ بیێ. پەوکای ڕاسیینە سەرووکەشاوەبییەی ژەنێ بەروزوو گەورەبییەی ئامانجوو ژەنێ بەرموزۆ، وەراوەروو ئا دەسەڵاتدارییە دیکتاتۆرییەتەیوە.
هەرپاسە ئی هەنگامێ ژەنا لێگەڕین پەی خودوو ژەنێ هەن، بەڵام هەمان وەختەنە پەی وەنەپەرسایۆ جە دەوڵەتوو پیای، سیستموو تاتە سالاری، پێسەو ئینسانی تەماشانەکەردەی ژەنێ، ژەنی ڕووەش کەردە کەشەکا و واتش، 'من ئینانا دلێ هەمان کۆشیایینە و بوویچ'.
نزیکەو ٤٠ ساڵان ژەنی بەرەو کەشەکاو کوردستانی لوێنە، بەرکەوتەی وەڵینەو ژەنێ بەشداربییەیش ژنە لە دلێ ڕێزەکاو کۆشیای ئازادیینە. ژەنی بە تەنیا پەی جەنگکەردەی ڕووەش نەکەردە کەشی، هەمان وەختەنە پەی وەنەپەرسایوە جە حەر بەشێوە، پەی ئازادی چەکش کەرد شانەش.
وەڵێ ئێمەنە ژەنی بەشدارەو دلێ ڕیزەکاو گەریلای بیێبێنێ، ئازادانە کۆشیێ بێنێ. بەڵام گەریلایەتیی کوردستاننە فرە جیاوازا. چونکەوم چەنی کۆشیای پەی ئازادیی وەڵاتەکەی، کەسایەتیی وێش، هێزوو وێش، موێزۆوە، دوژمنوو وێش مشناسۆ، میاوۆنە جە گەمەکاو گلێرگەی سەروو گلێرگەیۆ. گردوو ئینیشا بە ماناو گەریلایەتیی ئازادی مێ.
پەنەوازا ژەنی سوپاێوە تایبەتەو وێشا وەش بکەرا
جیاوازیێوی تەرو سوپاو ژەنەو ئێمە و ڕێکوستەی کۆشیای نەتەوەیی، ڕێکوستەی تایبەت بە وێشا. ئەگەر ژەنی وێشا ڕێکێ نەوزانێ و سوپاو وێشا وەش نەکەرا، ئانە ماناو لوای دلێ سیستمێوەن پێسەو یاردیدەری مەناوە. ئینەیچ نمازۆ کۆشیایی ئازادیوازانەو ژەنێ بیاوۆ ئامانجەکەیش.
هیچ ئاسان نەبێ ژەنێو بتاوۆ بەشدارەو ڕیزەکاو گەریلای بۆ و بۆ بە گەریلا. ئەوەڵ فەرماندەکاو گەریلای پێسەو واڵێ و مامۆزای جە هامڕا ژەنا نزیکێ بێنێوە. دیاێوە پێسەو زەلیلکەردەی و بێڕێزیکەردەی ژەنێوە پەشتەو جەنگەکاوە مەنێوە.
بەڵام ڕێبازوو ڕابەرایەتی پەی گەریلای و ژەنێ گردوو ئا ڕێبازە غەڵەتاشە ڕاسێ کەردێوە. ژەنیچ پێسە وەڵێکەوتێ. ژەنی دلێ ڕیزەکاو گەریلاینە پەشتیا بە هیزوو ڕابەرایەتی بەستە.
پەی نموونە هامڕا بەسێ ئانوش، سوڵتان یاووز، ڕەحیمە قەهرەمانە کە ساڵاو ئەوەڵینە بەشدارێ ڕیزەکاو گەریلای بێنێ، یۆ بە یۆ بە تەنیا یەکینەکانە مەنێوە. ئی هامڕا ژەنێ چەنی وەرگێرییشا وەنەو وێشا کەرد، چەنی هەلومەرجوو کەش و کویسانەکانە ژیوێ؟ چەنی تایبەتمەندییشا پێسەو ژەنێ پارێزنا؟ دیارا کە هەر یۆ چی هامرایە گەشمەردا پێسەو سوپایێوی بیێنێ.
گەرەکما نموونیو جە مدرامانوو باگۆکی ١وو نیسانوو ١٩٨٨ باس بکەروو. گرد کەس مزانۆنە; هەرپاسە گۆرانییێ سەروو ئی مدرامانەیوە وچینێ. یوە چا هامڕایا، هامڕا ئایتەنەنە کە بەشدارییش مدرامانوو باگۆکینە کەردەن. هامڕێوی تازێ بێ جەنگەنە. بەڵام فەرماندەیی گەریلای، ژیوای ئازاد و هجوومەکێش پەی سەروو دوژمنی فرە جیاوازێ بێنێ.
متاوو بواچوو ئا ژەنە هامڕێ ئەوەڵۆ بەشدارێ ڕیزەکاو کۆشیای ئازادیی بێنێ، تەنیا وەرپەرسێ وێشا نەبێنێ. زانێنێ وەختێو وێشا بسەلەمنا، ژەنی زیاتەر ملانێ ڕیزوو گەریلاکاوە. چی دۆخەنە کۆشیێ.
ئەوەڵ هەنگامەکاو ژەنێوە دلێ گەریلاینە فرە گرنگێنێ
یاگێ گەریلای، فیداکاری و هەست و سۆزش دلێ هەنگامەکاو ئەوەڵینە یەکەمدا شاریێنێوە. کە یوەم هەنگامە سەروو بناغێوی پاسە تۆکمەی نریێنە، وەڵێکەوتەی گەورەش هەن. جە هیچ شۆنێوی تەرەنە نموونێوی پێسەو گەریلاو کوردستانی نییا. سەرەتاو بەشداربییەیوە، هەرمانە و کۆشیای، مدرامان و گەشمەردەبییەی گەورێ هەنێ.
گەورەتەرین چانسوو جمیەروو ئازادیی کوردستانی و گەلوو کوردی ڕابەر ئاپۆن. پەی ئێمەی ژەنایچ پاسنەن، بییەی ڕابەر ئاپۆی بییەی ویرۆکەکاشا. گەورەتەرین چانسوو پارتوو کرێکاراو کوردستانی (پەکەکە) ئانەنە، کە ژەنی پی شێوە بەشداریی بکەرانێ و ڕووەی هەقەتینەو ئازادیی نیشانە بدانێ.
ئێمە هەرپاسە باس جە کۆشیایی ژەنێ مکەرمێ.وەڵێ پەکەکەینە پارتی دیموکراتوو کوردستانی پەدەکەی بییەن، عومر و ژیوای پەکەکەی و یۆبییەی نیشتمانیی کوردستانی (یەنەکە) بواچمێ پێسەن یۆی. هەرپاسە بە بۆنەو حەز و وەشەسیای پەی نیشتمانیوە بەشدارییشا پەدەکەنە کەردەن. ئیتر یانێ چێش ژەنی قەوەتێ نەبیێنێ و وەڵێ نەکەوتێنێ؟ چونکوم هەڵای لێ پەدەکەینە ژەنی هیچشا نەوستەن وەڵێ، پەدەکە، ژەنییش یانەنە زیندانییە کەردە و سەروو بنەماو پەنەوازییەکاش ئاردەش دلێ هەرمانێوە. بەڵام دلێ پەکەکەینە بۆنەو ئا دەرفەتاوە، کە بە ژەنێ دریێ، تاواش بۆ بە ساعیبەو ئیرادەی.
سەرۆک ئاپۆ یاردەیدەرێوی گەورە بێ جە ورسەنگنای و شیکارییەکاو ژەنێنە. گردوو ئا دەرفەتا، کە پێویسێنی پەی ژەنێ ڕەخسنێش، تا ژەنی بتاوۆ جە حەربارودۆخێوەنە بگنۆنە وەڵێ هەرمانەی گەورێش دا بە ژەنێ. ڕێکوستەی بەردەوام و تایبەتش بە ژەنێ دا دلێ حیزبینە، شمە ئا پرسیارێتا کەردە: چی سوپاو ژەنێ؟ سەرەتا نە هامڕێ پیێ و نە هامرێ ژەنێچ نەتاوێنێ بیاواشنە. هەرپاسە ڕێبازێوە بێ کە واچێ "تا هیچ کەموکەسریێوە ڕووە نەدۆ، چونکوم ژەنی نمەتاوانێ کەشۆ بژیوا؛ پەوکای ژەنی یاگێونە کۆ مکەراوە."
وێپارێزنی ژەنێ پەی وەرگێریکەردەی جە گلێرگای فرە گرنگا. ئێمە جەنگوو گەریلای و سوپێنە بییەی ژەنێ بە تەنیا بە وەرگێریی جەستەیی نمەزانمێ. ئینە کۆشیایێوا پەی بنیاتنیای ئینسانێوی ئازادی و ژیواێوی ئازادی.
بێگومان گردوو گیاندارا سیستم و شێوازوو وێپارێزنیشا هەن، ئانە ژەنینە کە زیاتەر جە گرد کەسێو گلێرگەنە پەنەوازییش هێزو وێپارێزنایا.
پێویسا ژەنی جە گرد کەسێو زیاتەر بەشدارەو دلێ ڕیزەکاو گەریلای بانێ
هجوومی ئایدیۆلۆژی فرە دژوو کۆشیایی ئازادیوازانەو ژەنێماوە هەن. بانگەشەو سیاوکەردەیش مکەرانێ، گەرەکشانە پێسە ئی هێزە تازەیە دلێنە بەرانێ. وەروو ئی هۆکارەیچە قسێ چانێ کەرا کە ماچا "ئینە سەردەموو گەریلایی نییا". هەرپاسە هێزو گەریلای چەنی تەکنەلۆژیا و .... تاد بەراورد مکەران؛ ڕێبازی چینە هەن ئارانە.
ڕوانە کۆنترێکێ گردوو شارەکاو کوردستانینە و تورکیانە هجووم مکەرانێ سەروو ژەنێ. عەقڵیەتوو پارتوو داد و گەشەپنەدای بە ڕۆشنی پا دروشماوە، کە بەردەوام ماچاشۆ بەرمگنۆنێ: " جیای ئانەیە بلا کەش، بلا لەشورەشی بکەرا". ڕێبازوو ئاکەپەی پەی ژەناو کوردی بە ئاشکرا چانەنە.
دۆخێوی چانەنە نمەتاویۆ بوچیۆ وەختوو وێپارێزنای سەر شییەن، پەوکای پنەوازا ژەنیی گەنجێ زیاتەر بلانێ دلێ ڕیزەکاو یەژا ستاریوە. پنەوازا ورسەنگنای سەرۆک ئاپۆی بەبنەما بگێرمێ: "ئانێ ئێمەشا وەش مسیۆ، با ڕووە بکەرانێ کەشەکا". پنەوازا ژەنی زیاتەر بەشدارێ ڕیزەکاو گەریلای بانێ."
