سوسەن محەمەد زادۍ ڕۊو ١٥ و ئایاری جە تەرەفوو هێزەئەمنییەکا ئێرانیوە جە یۆ جە جاڎەکا شارو بۆکانینە بە تنوتیژی گیریاو تا ئیساتۍ بەبێ ئانەی بتاوۆ چەمش بە بنەیانەکەیش گنۆ یاخود پەیوەندی بە پاڕێزنەرەکەیشۆ بکەرۆ، ئینا ناوەندێوە ئیدارەو ئیتلاعاتی ورمێنە.

تۆڕەو مافوو مرۆڤوو کوردسانی وەڵاش کەردەنۆ، کە بە درێژایی ئا ماوەیە سوسەن حەسەن زادۍ تەنیا یەک جار پەیوەندیېوە کوڵی تەلەفونیش چنی بنەیانەکەیش بیەن و باسش چانەی کەردەن، کە جە زیڼانێوە تاکەکەسینە جە ناوەندێوە ئەمنیەتوو ورمێنە زیڼانییەنە.

بە قسۍ ئا سەرچەمەیە تا ئیساتۍ پەی ئاگاڎاربیەی جە ئاژەو ئا مامۊسۍ، بنەیانەکەش چڼین جارۍ سەردای دادگا و ناوەندە ئەمنیەکا بۆکانیشا کەردەن، بەڵام حیچ جوابېوە ڕۊشنشا هۊرنەگېرتەن.

سوسەن محەمەد زادۍ کە ماوەو ١٧ ساڵا جە دلۍ شاری و دەگایەکا دەوروبەروو ئا شارەینە ۋەنەی زۋانی کوردی واچېوە، چڼین جارۍ جە تەرەفوو ناوەندە ئەمنیەکاوە داوا کریېنە و رووبەڕوو ۋنەپەرسایۆ کریېبێوە.

ماوەو چن ساڵێوەن فشارو هێزە ئەمنییەکا پەی سەرو مامۆسایا زۋانی کوردی و ناوەندە فێرکارییەکا چڕتەر بیەنۆ و جەماوەکا ۋییەردەینە سۆما پورمحەمەدیە مامۆسۍ زۋانی کوردی ئەندامەو دەسەی ڕاوەبەری ئەنجومەنی کولتوری نوژینی جە تەرەفوو لقوو یەک و دادگاو شۆڕشیوە جە شارو سنەی بە تۆمەتەو "وەشکەردەی گروپ و تاقمی بە ئامانجوو تێکدای ئەمنیەتوو وڵاتی" سزاو ١٠ساڵا زیڼانی و دووروستەیۆ پەی زیڼانوو کرماشانیش سەرەرە سەپیابۍ.