ناوەندوو چاپەمەنی و ئەرەیاۋنای هەپەگەی جە ٨و حوزەیرانینە جە ئەرەیاۋنېوەنە ئاماژەش پانەی دا کە گەریلاکاو هەپەگەی جە کەش و ئاسۆسینە فرۆکېوە بێفرۆکەوانی هجوومکەرشا جە جۆروو ئاناکای دەوڵەتوو ئەرەگیروو تورکی وستەنەرە واری.

دیمەنوو ئەوەمەڼەو پارچە مەڕیایەکا درۆنەکەی جە ئاژانسوو ڕۆژ نیوزیوە وەڵاکریانۆ. جە دیمەنەکانە پارچۍ درۆنە مەڕیاکەی فرە بە ڕۊشنی بەرۍ گنا.

جە  ئەرەیاۋناکەیشەنە هەپەگە باسش چانەی کەردەبۍ: "٦و حوزەیرانوو ٢٠٢٤ سەعات ٢٣:٠٠ جە تەرەفوو هێزەکاماوە جە قەندیل فرۆکېوە بێفرۆکەوانی هجوومکەرو دەوڵەتوو ئەرەگیروو تورکی جە ئاسمانوو ئاسۆسینە پێکیان، درۆنەکە کە جە جۆروو ئاناکای بیەن نزیک بە قەزاو دوکانی جە ۋەرنیشتوو ئاسۆسی کۊتەنەرە واری."