سەرۆکی گردینوو جەهەپەی ئۆزگور ئۆزەل لە کۆبییەیوەی فراکسیۆنوو پارتەکەیشنە ناڕەزایەتییش بەروست وەراوەروو نیایرەی قەیومینە یاگێ هامسەرۆکوو شارەوانیی جولەمێرگینە محەمەد سدیق، واتش: " نیایرەی قەیومی بێ‌ڕێزییا وەراوەروو ئیرادەو گەلوو جولەمێرگی".
سەرۆکی گردینوو جەهەپەی ئۆزگور ئۆزەل کۆبییەیوە فراکسیۆنوو پارتەکەیشنە بارەو ڕۆژەڤەکاوە دوا، ناڕەزایەتییش بەروست وەراوەروو نیایرەی قەیومی یاگێ هامسەرۆکوو شارەوانیی جولەمێرگی محەمەد سدیق، واتش: " نیایرەی قەیومی بێڕێزیین وەراوەروو ئیرادەو گەلوو جولەمێرگی".
ئۆزەل دەربارەو ئا دۆزەیە دژوو محەمەد سدیقی کریانۆ واتش بانگەشەکاو دژوو ئادی نەسەلەمیان کەچی هیزی گیریا و نمەزانمێ بە چە تاوانێو گیریان، ئەگەر بەڵگەو تاوانبارکەردەیش بۆ مکریۆ بە ڕاکاری یاسایی و بە پاو ئسووڵی دادگایی بکریۆ.
ئۆزەل واتش: " نیایرەی قەیومی بێڕێزیین وەراوەروو ئیرادەو گەلو جولەمێرگی. ئەگەر تاوانش بۆ، دادگایی مکریۆ، ئەنجوومەنوو شارەوانی کەسێو یاگێ ئادینە بە وەکالەت ورمچنیۆ. ئەگەر سزا دریا کەسێو ئەنجوومەنۆ پەی یاگەکێشنە ورمچنیۆ". ئۆزەل ڕەخنەش چی لەم ڕاکارەو ئاکەپەی و مەهەپەی گێرت و ئەوەخوایش کەردۆ نمەبۆ دیموکراسی بەپاو مەیلوو لایەنەکا لەیەک بدریۆوە
ە.
