دەسوەڵێوزییەکە ئەرەیاوناێوەش وەڵا کەردۆ و ئاماژەش پانەیە کەردەن، "مدرامانوو ئێمە دژوو کودەتای سیاسی ڕۆو یەرەمیەنە گرد گەڕەک و جادێوی گەڤەرینە وەڵا بییەنۆ و بەردەواما".

ئەرەیاونایەکەنە ئامان، "مدرامانوو ئێمە کە دژوو کودەتای سیاسی دەسش پەنە کەرد، بە سەرمەشقایەتیی 'دەسوەڵێوزوو ژەنە هەقسانا' ئینا یەرەم ڕۆنە گەڕەکەکاو ئەسکی کشڵای، ئۆرمان، ئەسەنتەپە، جمهوریەت و یەشیلدەرینە فرە بە قەوەتۆ بەردەواما. پۆلیسە داگیرکەرەکێ نمەتاوانێ بلا دلێ ئا گەڕەکا و هێزەکاو تیمە تایبەتەکاو داگیرکەرا زیادشا کەردەن. بڕێو گەڕەکانە سەروازەکێ فاڕیێنیوە. بەڵام داگیرکەرێ وەراوەروو مدرامانوو ئێمەوە نمەتاوانێ ئەنجامشا بۆ و بەیا گەڕەکەکاوە. دوورۆ بە گازی هەڵسمج و نارنجۆکی دەنگی هجووم مکەرانێ سەروو گەڕەکەکاما. با خاس بزانا؛ داگیرکەرێ نە گازوو بیبەری و نە بە بۆمبی دەنگی، هەرپاسە بە بۆمبی ئەتۆمی و فرۆکەیچ هجووم  بکەرا نمەتاوانێ بەیا دلێ گەڕەکەکاماوە.

مدرامانما ڕۆ بەڕۆ گەورە مبۆ، بەردەوام مبۆنە و درێژەش مبۆنە، جادەکا چۆڵ نمەکەرمێ. داواما جە گرد لە کەسێوە ئانێنە، کە بمجیارە جادەکا ".