لە هێرشی دەوڵەتی تورک ٢ ئەندامی هێزەکانی ئاسایشی ناوخۆ شەهیدبوون
هێزەکانی ئاسایشی ناوخۆ ڕایگەیاند، لە هێرشی فڕۆکەی بێ‌فڕۆکەوانی دەوڵەتی داگیرکەری تورک، ٢ ئەندامیان شەهیدبوون و ٨ کەس برینداربوون.
ناوەندی ڕاگەیاندنی هێزەکانی ئاسایشی ناوخۆ، پەیوەست بە هێرشەکەی ئەمڕۆ لەسەر ڕێگەی قامیشلۆ-عامودا ڕاگەیاندراوێکی بڵاوکردەوە، ڕایگەیاند، ئەو خەڵکە سڤیلەی ویستویانە بریندارەکان ڕزگاربکەن لەلایەن فڕۆکەوە کراونەتە ئامانج.
لە ڕاگەیاندراوەکەدا هاتووە، ٢ ئەندامی هێزەکانی ئاسایشی ناوخۆ شەهیدبوون و ٨ کەس برینداربوون.
لە درێژەی ڕاگەیاندراوەکەدا هاتووە: "داگیرکەری تورک هێرشی دڕندانەی لەسەر هەرێمەکە درێژە پێ دەدات. ئەمڕۆ، پاش نیوەڕۆ، لەسەر ڕێگەی نێوان شاری قامیشلۆ و عامودا، ئۆتۆمبیلێکی هێزەکانمانی بە فڕۆکەی بێ‌فڕۆکەوان کردە ئامانج و لە ئەنجامدا، ٢ هەڤاڵمان شەهیدبوون.
ئەو هاوڵاتییانەی ویستیان بریندارەکان ڕزگاربکەن، لەلایەن فڕۆکەوە کرانە ئامانج و ٨ کەس برینداربوون.
دواتر بە ڕاگەیاندراوێک زانیاری زیاتر بڵاودەکەینەوە".
