ئەندامانی ئەنجومەنی ژنان لە ڤییەنا لە پێناو ئەوەدا رێکخراوی قەدەغەکردنی چەکە کیمیاییەکان (ئۆ پی سی دەبیلو - OPCW) بڕوات بۆ لێکۆڵینەوە لەو ناوچانەدا، کە دەوڵەتی تورک لە هێرشەکانیادا چەکی کیمیایی تیادا بەکارهێناون، نامەیان بۆ ئۆ پی سی دەبلیو نارد.
هێرشەکانی دەوڵەتی تورک بە چەکی کیمیایی بۆ سەر هەرێمەکانی پاراستنی مەدیا ماوەی ٦ مانگە بە شێوازی جۆراوجۆر لە ئەوروپا چالاکی لە دژ ئەنجام دەدرێت و بەکارهێنانی چەکی کیمیایی ریسوا و ئیدانە دەکرێت.
نەک تەنها بەکارهێنانی چەکی کیمیایی ئیدانە و ریسوا دەکرێت، بەڵکو چالاکیش بۆ ئەوە ئەنجامدراوە، کە رێکخراوی قەدەغەکردنی چەکە کیمیاییەکان (ئۆ پی سی دەبیلو - OPCW) و هەموو دەزگا پەیوەندیدارەکان و رێکخراوەکان بێدەنگ نەبن و هەڵوێستیان هەبێت.
لە شاری کۆڵنی ئەڵمانیاش لە پێناو ئەوەدا، کە رێکخراوی قەدەغەکردنی چەکە کیمیاییەکان (ئۆ پی سی دەبیلو - OPCW) بۆ ڵێکۆڵینەوەکردن لە بەکارهێنانی چەکی کیمیایی لەلایەن دەوڵەتی تورکەوە لە هێرشەکانیدا، سەردانی ئەو شوێنانە بکات، کە چەکە کیمیاییەکانی تیادا بەکار هاتوون، دەستیان بە هەڵمەتى نامەنووسین و نامە ئیمزاکردن کرد و نامەکانیان بۆ رێکخراوی قەدەغەکردنی چەکە کیمیاییەکان (ئۆ پی سی دەبیلو - OPCW) نارد.
ئەو ژنانە ڕایانگەیاند، تا گەیشتن بە ئامانجەکەیان بەردەوام دەبن لە چالاکییەکانیان و رۆژی سێشەممەی داهاتووش ستاندی هۆشیارکردنەوە دادەنێن.
ژ.ت
