چالاکییەکە بە پێشەنگایەتیی ئەنجوومەنی ژنانی سێڤێ و ناوەندی کۆمەڵگەى دیموکراتیکی کورد لە دانیمارک بۆ ئازادیی عەبدوڵا ئۆجالان رێبەری گەلی کورد رێکخرا.

کوردستانیان لە گۆڕەپانی نیتۆڤ چالاکییەکەیان بەڕێوەبرد و لە چالاکییەکەدا پۆستەرێکیان بەرزکردبووە، کە لەسەری نووسرابوو "کاتی ئازادیی رێبەری گەلی کورد هاتووە".

لە چالاکییەکەدا دروشمەکانی "ئازادی بۆ رێبەرایەتی"، "ئەردۆغانی دیکتاتۆر"، "پشتیوانی بۆ کوردان" و "ئەردۆغانی فاشیست" دەوترانەوە.

هاوکات لە چالاکییەکەدا راگەیاندراو بڵاوکرایەوە و کۆنفرانسی رۆژنامەنووسی رێکخرا.

چالاکییەکە بە وتنەوەى دروشمەکانی "بژی سەرۆک ئاپۆ" و "بێ سەرۆک ژیان نابێت" کۆتایی پێهات.

ژ.ت