کۆمسیۆنی بنەماڵەى شەهیدانی ئەنجوومەنی گەلی کورد لە لەندەن بۆ یادی حوسێن ئینان (کارکەر کورەجیک) لە بارەگای ناوەندی کۆمەڵگەى کوردی لە بەریتانیا (کەی سی سی / KCC) چالاکییەکی یادکردنەوەیان بەڕێوەبرد. چالاکییەکە بە خولەکێک رێزگرتن بۆ یادی شەهیدان دەستیپێکرد و هاوکات لەگەڵ خزمانی ئیناندا ژمارەیەکی زۆر لە کەسایەتییەکان و وڵاتپارێزان بەشداری یادەکە بوون.  

لە چالاکییەکەدا دروشمی "شەهید نامرێ" وترایەوە و سینەفیزیۆنێک لەسەر ژیان و تێکۆشانی ئینان نمایشکرا.

عەلی بۆیراز بە ناوی کۆمسیۆنی بنەماڵەى شەهیدانەوە رایگەیاند، شەهیدان رێگای تێکۆشانی ئازادی و دیموکراسی رووناک دەکەنەوە. بزووتنەوەى ئازادیی کوردستان بزووتنەوەى شەهیدانە. راشیگەیاند، "بە بڕوا و پێداگریی گەورەی شەهیدانمان ئەمڕۆ کوردستان و رۆژهەڵاتی ناوەڕاست سەرلەنوێ دەژییەتەوە. تێکۆشانی ئازادی لە هەموو گۆڕەپانەکاندا بە ئیرادەی ملیۆنەها مرۆڤ بەردەوامیی هەیە. ئێمە بەڵێنی خۆمان دووبارە دەکەینەوە و ئامانجی شەهیدانمان بەدی دەهێنین".

'فیداییەک بوو بۆ ئامانجی ئازادی و بەرخودان'

ئەرجان ئاکبال بە ناوی ئەنجوومەنی گەلی کورد وتەیەکی پێشکەش کرد و رایگەیاند، لە دژی فاشیزم و داگیرکەری بەرخودانێکی مێژوویی هەیە. راشیگەیاند، "هاوڕێیانی قارەمان و شکۆی گەلی کوردستان، بەرخودانێکی گەورە بەڕێوەدەبەن. ئەو هاوڕێیانەمان گورزی قورس لە فاشیزمی داگیرکەر دەدەن و هەموو رۆژێک زیاتر لە ئازادی نزیک دەبنەوە.

هێزە خائینەکانی کورد، کە ئەمڕۆ شانبەشانی داگیرکەران دەجوڵێنەوە لەلایەن گەل و مێژووەوە نابەخشرێن. ئەو بەرخودانە بەرخودانە لە دژی فاشیزم، داگیرکەری و هێڵی خیانەت. هاوڕێمان کارکەر وەک فیدایەک بۆ ئامانجی گەورەی بەرخودان بەشداری کاروانی شەهیدان بوو. ئێمە بەڵێن دەدەین، کە درێژە بە رێگاکەیا دەدەین و لەسەر رێگاکەیان دەڕۆین".

ژ.ت