کۆمیتەى کورد لە رۆما و تۆڕی کوردستان (RETE Kurdistan) لە ئیتالیا راگەیاندراویان بەسەر هاووڵاتییان و ئازادیخوازاندا بڵاوکردەوە و داوای بەشداریکردنیان لە زنجیرە چالاکییەکانی مانگی شوبات دا بۆ ئازادیی عەبدوڵا ئۆجالان رێبەری گەلی کورد کرد.

لە چالاکییەکەدا وێنەکانی عەبدوڵا ئۆجالان رێبەری گەلی کورد و راگەیاندراو بڵاوکرایەوە.

سیمۆنیتا کریسسیل چالاکوان و پارێزەری "کۆمیتەى ئازادی بۆ ئۆجالان" لە چالاکییەکەدا رایگەیاند، تاوەکو ئازادیی رێبەری گەلی کورد درێژە بە چالاکییەکانیان دەدەن.

بەپێی راگەیاندراوی کۆمیتەى کورد لە رۆما و تۆڕی کوردستان (RETE Kurdistan) لە ئیتالیا لە رۆژانی ٣، ٥، ٩ و ١١ی شوباتدا لە وێستگە جیاجیاکانی میترۆ راگەیاندراو بڵاودەکەنەوە و لە ١٤ی شوباتیشدا رێپێوان و کۆبوونەوەى جەماوەری رێکدەخەن.

ژ.ت