سۆران عومەر ئەندامی ئەنجوومەنی نوێنەرانی عێراق لە ئاكاونتی تایبەتی خۆیدا بڵاویكردووەتەوە؛ بۆردومانی فڕۆكەی بێ فڕۆكەوان لە كەمپی ئاوارەكانی مەخمورو ناحیەی ئاغجەلەر و پێشتر لە چیای ئەزمڕ و گەڵاڵەو شارباژێر و ناوچەكانی دهۆك و بادینان بە بەهانەی پەكەكە ئەنجامدانی تیرۆری سیاسی و كۆمەڵكوژی مەدەنییە كە لەلایەن توركیاوە ئەنجام دەدرێت.

ئەندامەكەی ئەنجوومەنی نوێنەرانی عێراق راشیگەیاندوە؛ ئەو تیرۆرە بەچاوساغی هێزی ناوخۆی هەرێمی كوردستان ئەنجام دەدرێت، بێدەنگی هەرێمی كوردستان و عێراق ئاماژەی ڕێكەوتنی نهێنی نێوانیانە بۆ ئەم بۆردومان و تیرۆرانە كە هاوڵاتی مەدەنی تێدا كراوەتە ئامانج و دودڵی و ترسێكی زۆری لەناوچەكەدا دروست كردوە، ناكرێت ئاسمان و سنورەكانی عێراق و هەرێم واڵا بێت بۆ وڵاتانی دراوسێ تاوانی دەرهەقە بەخەڵكی كوردستان و عێراق تێدا ئەنجام بدەن.

ژ.ت